હરિયાણા વિધાનસભા ચૂંટણી 2019: ભૂપેન્દ્ર સિંહ હુડ્ડા બોલ્યા, કોંગ્રેસને બહુમત આવશે
ગુરુવારે પરિણામો આવતા પહેલા જ ભૂપેન્દ્ર સિંહ હુડ્ડાએ એલાન કર્યુ કે રાજ્યમાં કોગ્રેસની સરકાર આવવાની છે.
હરિયાણાના બે વાર મુખ્યમંત્રી રહી ચૂકેલા ભૂપેન્દ્ર સિંહ હુડ્ડા આ વખતે વિધાનસભા ચૂંટણીમાં ગઢી સાંપલ-કિલોઈ સીટથી ઉભા રહ્યા છે. ગઢી સાંપલા-કિલોઈ સીટને ભૂપેન્દ્ર સિંહ હુડાનો ગઢ માનવામાં આવે છે. તેમની સામે 29 જૂને ભાજપમાં શામેલ થયેલા સતીશ નાંદલ મેદાનમાં છે. ગુરુવારે પરિણામો આવતા પહેલા જ ભૂપેન્દ્ર સિંહ હુડ્ડાએ એલાન કર્યુ કે રાજ્યમાં કોગ્રેસની સરકાર આવવાની છે. જો કે અત્યાર સુધીના રુઝાનોને જોતા રાજ્યમાં ભારતીય જનતા પાર્ટી 8 સીટોથી કોંગ્રેસથી આગળ છે.
હરિયાણાના ગઢી સાંપલા-કિલોઈ વિધાનસભા સીટથી ચૂંટણી લડી રહેલા પૂર્વ મુખ્યમંત્રી ભૂપેન્દ્ર સિંહ હુડ્ડાએ મીડિયાના સવાલોના જવાબ આપતા કહ્યુ કે રાજ્યમાં કોંગ્રેસને બહુમત મળશે. તમને જણાવી દઈએ કે ગઢી સાંપલા-કિલોઈ સીટથી હુડ્ડા રુઝાનોમાં આગળ ચાલી રહ્યા છે. તેમની સામે ભાજપના સતીશ નાંદલ જોરદાર ટક્કર આપી રહ્યા છે. અત્યારે હરિયાણાની કોઈ પણ સીટનુ ફાઈનલ રિઝલ્ટ આવ્યુ નથી પરંતુ ભૂપેન્દ્ર સિંહ હુડ્ડાને આશા છે કે રાજ્યમાં કોંગ્રેસની સરકાર બનવાની છે.
તમને જણાવી દઈએ કે 2014માં હરિયાણા વિધાનસભા ચૂંટણીમાં ભાજપે પહેલી વાર રાજ્યમાં બહુમત મેળવ્યો હતો. ભાજપે દસ વર્ષથી સત્તા પર બેઠેલા કોંગ્રેસને સત્તામાંથી બહાર કર્યા હતા. 2014માં હરિયાણાની 90 સીટોમાં 47 પર ભાજપને જીત મળી હતી જ્યારે ઈન્ડિયન નેશનલ લોકદળને 19 અને કોંગ્રેસને 15 સીટો પર જીત મળી હતી. અન્યને 9 સીટો મળી હતી. ભૂપેન્દ્ર સિંહ હુડ્ડા વર્ષ 2005માં પહેલી વાર હરિયાણાના મુખ્યમંત્રી બન્યા હતા ત્યારબાદ તે 2009માં ફરીથી તેમણે જનતાનો ભરોસો જીત્યો અને મુખ્યમંત્રી પદના શપથ લીધા.
Click it and Unblock the Notifications
Sign in with Google
