પાયલટ જૂથની અરજી પર હાઈકોર્ટ 24 જુલાઈએ સંભળાવશે ચુકાદો
રાજસ્થાનના રાજકીય ઘટનાક્રમ પર હાઈકોર્ટ હવે 24 જુલાઈએ ચુકાદો સંભળાવશે.
રાજસ્થાનમાં છેલ્લા બે સપ્તાહથી ચાલી રહેલ અશોક ગહેલોત વિરુદ્ધ સચિન પાયલટ રાજકીય સંગ્રામ હવે હાઈકોર્ટમાં છે. વિધાનસભા સ્પીકર દ્વારા અયોગ્યતા નોટિસ સામે સચિન પાયલટ અને કોંગ્રેસના 18 અન્ય વિદ્રોહી ધારાસભ્યોની અરજી પર રાજસ્થાન હાઈકોર્ટમાં સુનાવણી પૂરી થઈ ચૂકી છે. રાજસ્થાનના રાજકીય ઘટનાક્રમ પર હાઈકોર્ટ હવે 24 જુલાઈએ ચુકાદો સંભળાવશે. મંગળવારે ઉપમુખ્યમંત્રી સચિન પાયલટ જૂથની અરજી પર બપોરે બે વાગે સુનાવણીમાં ઉચ્ચ ન્યાયાલયે સ્પીકરને ત્યાં સુધી માટે ધારાસભ્યો પર કાર્યવાહી ન કરવા માટે કહ્યુ છે.
કોર્ટે બંને પક્ષોની દલીલો સાંભળી
સુનાવણી બાદ સીએમ અશોક ગહેલોતે પણ પોતાના સમર્થક ધારાસભ્યોની પ્રશંસા કરીને કહ્યુ કે તમારે વધુ થોડા દિવસ હોટલમાં રહેવુ પડી શકે છે. તમને જણાવી દઈએ કે સચિન પાયલટ જૂથની અરજી પર અદાલતે શુક્રવારથી સુનાવણી શરૂ કરી હતી. ત્યારબાદ સોમવાર અને મંગળવારે પણ અરજી પર કોર્ટે બંને પક્ષોની દલીલો સાંભળી.
|
નોટિસનો જવાબ આપવાનો પણ સમય આપ્યો નહોતો
મંગળવારની સવારે 10.30 વાગ્યાની સુનાવણીમાં સચિન પાયલટના વકીલ મુકુલ રોહતગીએ કોર્ટમાં કહ્યુ હતુ કે સચિન પાયલટ અને અન્ય ધારાસભ્યો સામે ફરિયાદવાળા દિવસે જ વિધાનસભા અધ્યક્ષ દ્વારા અયોગ્યતા નોટિસ જારી કરી દીધી. નોટિસ જારી કરવા માટે કોઈ કારણ નોંધવામાં આવ્યુ નહોતુ અને નિયમો અનુસાર તેમણે કોરોના સંકટમાં નોટિસનો જવાબ આપવાનો પણ સમય આપ્યો નહોતો.
હાઈકોર્ટમાં આજે સુનાવણી પૂરી
તમને જણાવી દઈએ કે પોતાની જ પાર્ટી સામે વિદ્રોહી તેવર અપનાવનાર સચિન પાયલટને ડેપ્યુટી સીએમ અને પ્રદેશ કોંગ્રેસ સમિતિના અધ્યક્ષ પદેથી હટાવ્યા બાદ કોંગ્રેસે વિધાનસભામાંથી પણ અયોગ્ય ઘોષિત કરી દીધા હતા. વિધાનસભા સ્પીકરે સચિન પાયલટ સહિત કોંગ્રેસના 19 બાગી ધારાસભ્યોને પાર્ટી વિરોધી ગતિવિધિઓમાં શામેલ હોવાના આરોપમાં અયોગ્ય ગણાવવા માટે નોટિસ મોકલીને જવાબ માંગ્યો હતો. આ નોટિસ સામે પાયલટ ગ્રુપે હાઈકોર્ટનો દરવાજો ખખડાવ્યો જેના પર હાઈકોર્ટમાં આજે સુનાવણી પૂરી થઈ ચૂકી છે.
Click it and Unblock the Notifications
Sign in with Google
