એમ જે અકબર માનહાનિ કેસઃ 31 ઓક્ટોબરે સાક્ષીઓના નિવેદનનું પરીક્ષણ

#MeToo કેમ્પેઈન હેઠળ પત્રકાર પ્રિયા રમાની સામે એમ જે અકબરના ગુનાહિત માનહાનિ કેસ પર દિલ્હીની પટિયાલા હાઉસ કોર્ટમાં સુનાવણી થઈ. કોર્ટે કહ્યુ કે તે 31 ઓક્ટોબરે એમ જે અકબર સહિત કેસ સાઝે જોડાયેલા બધા સાક્ષીઓના નિવેદનની તપાસ કરશે. ત્યારબાદ આગામી સુનાવણી થશે. સુનાવણી દરમિયાન એમ જે અકબરની વકીલ ગીતા લુથરાએ કહ્યુ કે તેમના ક્લાયન્ટની કોઈ ભૂલ નથી.

ટ્વિટ સંપૂર્ણપણે અપમાનજનક

સુનાવણી પહેલા વકીલ ગીતા લુથરાએ કહ્યુ કે જ્યાં સુધી રમાની આ ઘટનાને સાબિત નહિ કરે ત્યાં સુધી તેમનુ ટ્વિટ અપમાનજનક છે અને તે માનહાનિના કેસમાં આવે છે. ગીતા લુથરાએ કહ્યુ કે તેમનું ટ્વિટ સંપૂર્ણપણે અપમાનજનક છે જેને 1200 થી વધુ લોકોએ લાઈક કર્યુ છે.

Delhi's Patiala House Court to examine statements of #MJAkbar and other witnesses on October 31. pic.twitter.com/vK6SEhczYU

— ANI (@ANI) 18 October 2018

પ્રિયા રમાનીના કારણે એમ જે અકબરની છબીને નુકશાન

વકીલ ગીતા લુથરાએ કહ્યુ કે પ્રિયા રમાનીના કારણે એમ જે અકબરની છબીને નુકશાન પહોંચ્યુ છે. જે તેમણે 40 વર્ષોમાં બનાવી છે. એટલા માટે જ્યાં સુધી આરોપ સાબિત ન થાય ત્યાં સુધી આ કેસ માનહાનિનો રહેશે. જો કે હવે કોર્ટે 31 ઓક્ટોબરે બધા સાક્ષીઓનું નિવેદન નોંધવાના આદેશ આપ્યા છે. ત્યારબાદ જ કાર્યવાહી આગળ વધશે.

Criminal defamation case filed by #MJAkbar against journalist Priya Ramani: MJ Akbar's lawyer Geeta Luthra said before court, "Irreparable damage caused to Akbar’s reputation which he has built over 40 years."

— ANI (@ANI) 18 October 2018

20 મહિલાઓએ યૌન શોષણનો આરોપ લગાવ્યો

તમને જણાવી દઈએ કે પૂર્વ કેન્દ્રીય રાજ્યમંત્રી એમ જે અકબર સામે મી ટુ કેમ્પેઈન દરમિયાન અત્યાર સુધીમાં 20 મહિલાઓએ યૌન શોષણનો આરોપ લગાવ્યો છે. આમાં પત્રકાર પ્રિયા રમાની તે પહેલી મહિલા છે જેમણે એમ જે અકબર સામે ટ્વિટ કરીને યૌન શોષણનો આરોપ લગાવ્યો છે. વળી, એમ જે અકબરે આ આરોપોને ખોટા ગણાવીને પ્રિયા સામે ગુનાહિત માનહાનિનો કેસ દાખલ કર્યો છે. આરોપના ઘણા દિવસો બાદ 17 ઓક્ટોબરે એમ જે અકબરે પોતાના પદ પરથી રાજીનામુ આપી દીધુ.

English summary

Hearing criminal defamation case filed by MJ Akbar against journalist Priya Ramani at Delhi Patiala House Court