Weather News: ગુજરાત, મહારાષ્ટ્ર સહિત દેશના આ રાજ્યોમાં ભારે વરસાદનું એલર્ટ, જાણો હવામાન વિભાગની આગાહી
Weather News: ભારતીય હવામાન વિભાગએ શનિવારે ચેતવણી આપી છે કે, 16થી 22 ઓગસ્ટ દરમિયાન દેશના મોટાભાગના રાજ્યોમાં ભારેથી અતિ ભારે વરસાદની સંભાવના છે. IMD મુજબ, ગુજરાત, કોંકણ, મધ્ય મહારાષ્ટ્ર, ગોવામાં 16 ઓગસ્ટ અને ત્યારબાદ 18થી 20 ઓગસ્ટ દરમિયાન ભારે વરસાદ પડશે. તેલંગાણામાં 16 અને 17 ઓગસ્ટે ખૂબ જ ભારે વરસાદની આગાહી છે. 18 અને 19 ઓગસ્ટે દરિયાકાંઠાના કર્ણાટકમાં પણ આવી જ સ્થિતિ રહેશે.
મધ્ય અને પૂર્વ ભારતમાં, 16 ઓગસ્ટે દક્ષિણ વિદર્ભમાં અને 18 ઓગસ્ટે મધ્ય પ્રદેશમાં ભારે વરસાદની આગાહી કરવામાં આવી છે. આ ઉપરાંત, 18થી 22 ઓગસ્ટ દરમિયાન ઓડિશા, છત્તીસગઢ અને બિહારમાં ભારે વરસાદની આગાહી છે. ઉત્તર ભારતમાં, 16 અને 17 ઓગસ્ટે ઉત્તરાખંડમાં ભારે વરસાદની આગાહી છે. પૂર્વ રાજસ્થાનમાં 19, 21 અને 22 ઓગસ્ટે ભારે વરસાદની ચેતવણી જાહેર કરવામાં આવી છે. આ સાથે, જમ્મુ અને કાશ્મીર, પંજાબ, હિમાચલ પ્રદેશ, હરિયાણા અને ઉત્તર પ્રદેશમાં પણ અલગ અલગ દિવસોમાં ભારે વરસાદની આગાહી છે.
ઉત્તરપૂર્વ ભારતમાં, આસામ, મેઘાલય અને અરુણાચલ પ્રદેશમાં 16થી 22 ઓગસ્ટ સુધી સતત ભારે વરસાદ પડશે. હવામાન વિભાગે એમ પણ કહ્યું કે, 20 ઓગસ્ટ સુધી ઘણા વિસ્તારોમાં 40-50 કિમી પ્રતિ કલાકની ઝડપે પવન ફૂંકાઈ શકે છે.
ગુજરાતમાં પણ હવામાન વિભાગે ઓગસ્ટના અંત સુધી ભારે વરસાદની આગાહી કરી છે. એક સાથે બેથી ત્રણ સિસ્ટમ એક્ટિવ થતાં આગામી 7 દિવસ ગુજરાતમાં સાર્વત્રિક વરસાદનું અનુમાન છે. ઉત્તર ગુજરાત, મધ્ય ગુજરાત, દક્ષિણ ગુજરાત અને સૌરાષ્ટ્રના જિલ્લા ભારેથી અતિભારે વરસાદનું અનુમાન છે. સૌરાષ્ટ્રના દરિયાકાંઠાના વિસ્તારમાં ભારે વરસાદની સંભાવના છે.
ગુજરાત, ગોવા અને મહારાષ્ટ્રમાં રેડ એલર્ટ જેવી સ્થિતિ
ભારતીય હવામાન વિભાગએ ચેતવણી આપી છે કે, ગુજરાત, મહારાષ્ટ્ર (મુંબઈ) અને ગોવા રાજ્યોમાં આગામી 7 દિવસ સુધી વરસાદી મોસમ ખૂબ જ સક્રિય રહેશે.
16-19 ઓગસ્ટ: કોંકણ (મુંબઈ) અને મધ્ય મહારાષ્ટ્રના ગોવા, ઘાટ વિસ્તારોમાં અતિ ભારે વરસાદ વરસશે.
19-20 ઓગસ્ટ: સૌરાષ્ટ્ર અને કચ્છમાં ભારે વરસાદ અને પૂર જેવી સ્થિતિની શક્યતા.
Click it and Unblock the Notifications
Sign in with Google
