Haryana Election 2024 : હરિયાણામાં કોંગ્રેસ કેટલી સીટો જીતશે? અશોક તંવરનો મોટો દાવો

Haryana Election 2024 : હરિયાણામાં મતદાન પુરૂ થાય તે પહેલા જ નેતાઓ તેમની પાર્ટીની સરકાર બનાવવાનો દાવો કરી રહ્યાં છે. હવે બીજેપી છોડીને કોંગ્રેસમાં આવેલા અશોક તંવરે મોટો દાવો કરી દીધો છે.

મતદાન વચ્ચે અશોક તંવરે મોટો દાવો કર્યો અને કહ્યું કે કોંગ્રેસ ઓછામાં ઓછી 75 સીટો જીતશે. જણાવી દઈએ કે હરિયાણામાં કુલ 90 સીટો છે અને બહુમતિ માટે 46 સીટો જરૂરી છે.

અશોક તંવરે કહ્યું કે, પરિવર્તન દેખાઈ રહ્યું છે અને કોંગ્રેસને મોટી સફળતા મળશે. કોંગ્રેસ નેતૃત્વએ દેશને એક કરવાની અને નફરતને ખતમ કરવાની વાત કરી છે. ખેડુતો, ગરીબો, મજૂરો, કર્મચારીઓ સાથે જરૂર હતી ત્યારે કોંગ્રેસ તેમની સાથે ઉભી છે.

એબીપી ન્યૂઝ સાથે એક ઈન્ટરવ્યૂમાં તેમણે કહ્યું કે, તમામ ટીમોનું મૂલ્યાંકન 8મીએ જાણી શકાશે. આજે સાંજ સુધી કોઈ કંઈ પણ કહી શકે છે, પરંતુ જ્યારે એક્ઝિટ પોલ આવશે ત્યારે ખબર પડશે કે કોંગ્રેસ પાર્ટી 75થી 90 બેઠકો વચ્ચે સરકાર બનાવવા જઈ રહી છે.

જણાવી દઈએ કે, વિધાનસભા ચૂંટણી પ્રચારના છેલ્લા દિવસે અશોક તંવરે ભાજપને મોટો ઝટકો આપતા મહેન્દ્રગઢની રેલીમાં ભાજપ છોડીને કોંગ્રેસમાં જોડાયા હતા.

English summary

How many seats will Congress win in Haryana? Ashok Tanwar's big claim