• search

ફેસબુક વિવાદમાં હત્યા, હિન્દુ રાષ્ટ્ર સેનાના 17 એરેસ્ટ

Subscribe to Oneindia News
For Quick Alerts
ALLOW NOTIFICATIONS
For Daily Alerts

    પુણે, 5 જૂન: પુણેમાં સોમવારે થયેલી આઇટી એન્જિનિયરની હત્યાના મામલામાં પોલીસે 17 લોકોની ધરપકડ કરી છે. પોલીસને શંકા છે કે એન્જિનિયરની હત્યા ફેસબુક વિવાદના મામલે કરવામાં આવી છે. પોલીસના જણાવ્યા અનુસાર પકડવામાં આવેલા આરોપી હિન્દુ રાષ્ટ્ર સેના સાથે જોડાયેલા છે.

    સોશિયલ નેટવર્કિંગ સાઇટ પર વિવાદિત પોસ્ટને લઇને શરૂ થયેલા વિવાદે ખતરનાક રૂપ ધારણ કરી લીધું છે. આરોપ છે કે ફેસબુક વિવાદના પગલે 24 વર્ષના એન્જિનિયરની ઢોર માર મારીને હત્યા કરી દેવાઇ હતી. આરોપ અનુસાર 20થી વધારે લોકોએ મળીને મોહસિન શેખ નામના યુવકને ઢોર માર માર્યો હતો, ત્યારબાદ તેનું મોત થઇ ગયું હતું. પોલીસના જણાવ્યા અનુસાર આરોપીઓ કટ્ટર હિન્દુવાદી સંગઠન હિન્દુ રાષ્ટ્ર સેના સાથે જોડાયેલા છે. પોલીસે જણાવ્યું કે મોહસિનની હત્યા બાદ એક એસએમએસ પણ આરોપીઓની વચ્ચે ફરતો થયો હતો જેમાં લખ્યું હતું કે 'પ્રથમ વિકેટ પડી ચૂકી છે'

    મોહસિન શેખ સોમવારે સાંજે ઓફિસથી ઘરે જઇ રહ્યો હતો, ત્યારે લાકડીઓધારી હુમલાખોરોએ તેને ઘેરી લીધો. અને તેને ઢોર માર માર્યો બાદમાં મોહસિનનું હોસ્પિટલમાં મોત થઇ ગયું. પુણેના ડીસીપી મનોજ પાટિલે જણાવ્યું કે આ તમામ આરોપી પુણેના જ રહેનારા છે. શરૂઆતી તપાસમાં માલૂમ પડ્યું છે કે આરોપી હિન્દુ રાષ્ટ્ર સેનાના કાર્યકર્તા છે.

    facebook
    અત્રે ઉલ્લેખનીય છે કે થોડા દિવસ પહેલા પુણેમાં કેટલાંક લોકોએ ફેસબુક પર વિવાદિત ટિપ્પણી કરી હતી ત્યારબાદ બે સમુદાયોમાં તણાવની સ્થિતિ પેદા થઇ હતી. પોલીસને પણ એ જ શંકા છે કે મોહસિનને પણ એ વાતને આધાર બનાવીને જ તેની પર પ્રહાર કરવામાં આવ્યો. ફેસબુક વિવાદના પગલે પુણેમાં અત્યાર સુધી ઘણી જગ્યાએ હિંસા થઇ ચૂકી છે. મારામારી અને પત્થરબાજીના આરોપમાં પોલીસ છેલ્લા એક અઠવાડીયામાં 200 લોકોને ગિરફ્તાર કરી ચૂકી છે, પરંતુ મોહસિન શેખના મૃત્યુ બાદ હડપસર વિસ્તારમાં તણાવની સ્થિતિ વધી ગઇ છે.

    આ ઘટના પર પ્રતિક્રિયા આપતા પુણેના બીજેપી સાંસદ અરુણ શિરોલેએ લોકોને શાંતિ રાખવાની અપિલ કરી હતી, જોકે હમલા પાછળ રાષ્ટ્રવાદી હિન્દુ સેનાનો હાથ હોવા અંગે પૂછાતા તેમણે જણાવ્યું કે 'મને એવું નથી લાગતું. કેટલાંક લોકો શાંતિ ભંગ કરવા આવું કરી રહ્યા છે. મીડિયા મામલાને જેટલું વગાડી ચડાવીને કહે છે તેટલું તે છે નહીં. '

    English summary
    In Pune, ‘Hindu zealots’ kill man over ‘offensive’ Facebook post, 17 arrested.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more