ગૃહમંત્રીએ આતંકવાદીને 'શ્રી હાફિઝ સઇદ' તરીકે સંબોધ્યો

Updated: Tuesday, February 10, 2015, 12:22 [IST]

નવી દિલ્હી, 17 ડિસેમ્બર: ભારતના ગૃહમંત્રી સુશીલ કુમાર શિંદે આજે રાજ્યસભામાં પોતાનું ભાષણ આપી રહ્યા હતા. તેમણે પોતાના ભાષણ દરમિયાન કુખ્યાત પાકિસ્તાની આતંકવાદી હાફિઝ સઇદના નામની આગળ 'શ્રી' સંબોધન કર્યુ. તેમના આ વિવાદાસ્પદ ભાષણ સામે ઘણાલોકોએ વાંધો ઉઠાવ્યો છે.

અત્રે નોંધનીય છે કે હાફિઝ સઇદ આતંકવાદી સંગઠન 'જમાત-ઉદ-દાવા'નો મુખિયા છે, અને તે 26/11 મુંબઇ હુમલાનો માસ્ટર માઇન્ડ આરોપી છે. રાજ્યસભામાં સુશીલ કુમાર શિંદેએ આવું પહેલીવાર નથી કર્યું પરંતુ ઘણી વખત તેના નામની આગળ મિસ્ટર શબ્દનો ઉપયોગ કર્યો છે.

તેમના આ ભાષણ પર ઘણા રાજકીય પક્ષોએ પોતાનો વિરોધ નોંધાવીને જણાવ્યું છે કે જે વ્યક્તિ હજારો લોકોની મોત માટે જવાબદાર હોય તેના નામની આગળ માનવાચ ઉદબોધન કરવું એ શરમજનક બાબત છે. ભારતીય રાજનીતિમાં ઘણી વખત આવા નિવેદનો સામે આવ્યા છે. આ પહેલા એક રાજનેતાએ આતંકવાદી ઓસામા બિન લાદેનને 'લાદેન જી' તરીકે સંબોધન કર્યું હતું.