વિસ્તારા એરલાઈન્સમાં 10 વર્ષની બાળકી પર પડી હૉટ ચોકલેટ
નવી દિલ્હીથી ફ્રેન્કફર્ટ જઈ રહેલી વિસ્તારા એરલાઈન્સની ફ્લાઈટમાં એક ચોંકાવનારી ઘટના સામે આવી છે. પ્લેનની અંદર 10 વર્ષની બાળકી પર ગરમ પીણું પડી ગયું. આ ઘટના 11 ઓગસ્ટની છે.
મળતી માહિતી મુજબ, ફ્લાઈટ એટેન્ડન્ટ કથિત રીતે હૉટ ડ્રિંકના ઢાંકણને સંભાળી શકી ન હતી અને ડ્રિંક તેના માતા-પિતા સાથે મુસાફરી કરી રહેલી 10 વર્ષની બાળકી પર ઢોળાઈ ગયુ હતુ. વિસ્તારા તરફથી એક નિવેદન જાહેર કરીને આ વાતની પુષ્ટિ કરવામાં આવી છે.
એરલાઈન્સ તરફથી તેને એક દુર્ભાગ્યપૂર્ણ ઘટના ગણાવવામાં આવી છે અને કહેવામાં આવ્યું છે કે બાળકીની સારવારમાં જે પણ મેડિકલ ખર્ચ થશે તે એરલાઈન્સ ઉઠાવશે. નિવેદનમાં કહેવામાં આવ્યું છે કે આ ઘટના UK 25 એરક્રાફ્ટમાં બની હતી.
માતા-પિતાની અપીલ પર, અમારા ક્રૂએ છોકરીને હૉટ ચોકલેટ પીરસી પરંતુ તે દરમિયાન બાળકી રમતી હતી, જેના કારણે તે તેના પર પડી ગઈ. ઘટના પછી તરત જ ક્રૂએ બાળકીને પ્રાથમિક સારવાર આપી અને પેરામેડિકલ ટીમની મદદ લીધી.
એરલાઈન્સ દ્વારા દાવો કરવામાં આવ્યો છે કે પ્લેન લેન્ડ થયા બાદ મેડિકલ સુવિધાઓ પૂરી પાડવામાં આવી હતી, સાથે જ મેડિકલ ખર્ચ પણ ઉઠાવવામાં આવ્યો હતો. તે જ સમયે, પીડિત પરિવારનો દાવો છે કે ક્રૂની બેદરકારીના કારણે આ ઘટના બની છે.
આ ઘટનાને કારણે યુવતીના જમણા પગની જાંઘમાં ઈજા થઈ હતી. પરિવારનો આરોપ છે કે ઘટના બાદ ક્રૂએ આ ઘટના માટે માફી માંગી નથી. વિસ્તારા કહે છે કે અમારી ટીમ પીડિતાના પરિવાર સાથે સતત સંપર્કમાં છે. અમે પરિવારના વહેલા ભારત પરત ફરવાની વ્યવસ્થા કરી લીધી છે. અમારા ગ્રાઉન્ડ સ્ટાફે પરિવારનો સંપર્ક કર્યો અને તેમને શક્ય તમામ મદદ કરી.
Click it and Unblock the Notifications
Sign in with Google
