મુંબઈના કુર્લામાં ભીષણ આગમાં 20 મોટરસાઈકલ બળીને ખાખ
મુંબઈના કુર્લાના નહેરુ નગરમાં ભીષણ આગ લાગી હતી. અહીં પાર્કિંગમાં પાર્ક કરેલી 20 જેટલી મોટરસાયકલોમાં આગ લાગી હતી. આ વાહનો નેહરુ નગર નિવાસી સોસાયટીના પાર્કિંગમાં પાર્ક કરવામાં આવ્યા હતા.
મુંબઈ : મુંબઈના કુર્લાના નહેરુ નગરમાં ભીષણ આગ લાગી હતી. અહીં પાર્કિંગમાં પાર્ક કરેલી 20 જેટલી મોટરસાયકલોમાં આગ લાગી હતી. આ વાહનો નેહરુ નગર નિવાસી સોસાયટીના પાર્કિંગમાં પાર્ક કરવામાં આવ્યા હતા. મળતી માહિતી મુજબ આ આગ બુધવારની સવારે લાગી હતી. ઘટનાની માહિતી મળ્યા બાદ ફાયર બ્રિગેડની ટીમ ઘટના સ્થળે પહોંચી આગ પર કાબુ મેળવવાનો પ્રયાસ કર્યો હતો, પરંતુ આગ એટલી ભીષણ હતી કે, તમામ મોટરસાઈકલ આગમાં બળીને ખાખ થઈ ગઈ હતી.
કુર્લામાં નેહરુનગર ધમ્મા સોસાયટીના પાર્કિંગમાં પાર્ક કરેલા 20 થી 25 જેટલા દ્વિચક્રી વાહનોમાં અચાનક આગ લાગી હતી. આ ઘટના બુધવારની સવારે બની હતી અને તમામ બાઇક બળીને રાખ થઇ ગઇ હતી. આગ લાગવાનું કારણ હજૂ સુધી જાણી શકાયું નથી. જો કે, બાઇકમાં આગ લાગ્યા બાદ આ વિસ્તારમાં ધુમાડો વિસ્તરાઇ ગયો હતો.
Mumbai: A massive fire broke out in around 20 motorcycles parked at a residential society in Nehru Nagar, Kurla earlier this morning. All the motorcycles were gutted in the fire that was later doused by the fire department's personnel. More details awaited. pic.twitter.com/bGBXV2rkzE
— ANI (@ANI) October 13, 2021
ફાયર બ્રિગેડના 16 ફાયર એન્જિન અને 18 વોટર ટેન્કર્સ ઘટનાસ્થળે પહોચી ગયા હતા. જે બાદ ફાયર ફાયટર્સ દ્વારા આગને કાબૂમાં લેવામાં આવી હતી. ફાયર બ્રિગેડ અને પોલીસે સ્થળ પર પંચનામા હાથ ધર્યા હતા, પરંતુ આગ લાગવાનું ચોક્કસ કારણ હજૂ સુધી જાણી શકાયું નથી.
પાર્કિંગમાં પાર્ક કરેલી બે બાઇકમાં જોરદાર આગ લાગ્યા બાદ આગ લાગી હતી. આ વિસ્તારમાં મોટા પ્રમાણમાં ધુમાડો પણ હતો. આ સમયે સ્થળ પર લોકોની મોટી ભીડ પણ એકઠી થઈ હતી.