જો સરકાર મહિલા અનામત બિલ રજૂ કરે છે તો એ કોંગ્રેસની જીત હશેઃ પી ચિદમ્બરમે ભાજપ પર સાધ્યુ નિશાન
P Chidambaram On Womens Reservation Bill: કોંગ્રેસના વરિષ્ઠ નેતા પી ચિદમ્બરમે કહ્યું છે કે 'જો કેન્દ્રની નરેન્દ્ર મોદી સરકાર 19 સપ્ટેમ્બરે સંસદમાં મહિલા અનામત બિલ રજૂ કરે છે, તો તે કોંગ્રેસ અને યુપીએ સરકારમાં તેમના સહયોગીઓની જીત હશે.'
પી ચિદમ્બરમનું આ નિવેદન એવા અહેવાલ બાદ આવ્યું છે કે મહિલા અનામત બિલને નરેન્દ્ર મોદી કેબિનેટની મંજૂરી મળી ગઈ છે. સૂત્રો મુજબ 18 સપ્ટેમ્બરની રાત્રે સમાચાર આવ્યા કે મહિલા અનામત બિલને નરેન્દ્ર મોદી કેબિનેટની મંજૂરી મળી ગઈ છે.
જો કે આ અંગે કોઈ સત્તાવાર નિવેદન આવ્યું નથી. દાવો કરવામાં આવી રહ્યો છે કે ગઈકાલે સાંજે મળેલી કેબિનેટની બેઠકમાં આ નિર્ણય લેવામાં આવ્યો છે.
કોંગ્રેસના નેતા પી ચિદમ્બરમે એક પોસ્ટમાં લખ્યું હતું કે જો સરકાર આવતીકાલે (19 સપ્ટેમ્બર) મહિલા અનામત બિલ રજૂ કરે છે, તો તે યુપીએ સરકારમાં કોંગ્રેસ અને તેના સહયોગીઓની જીત હશે. યાદ રહે, આ બિલ યુપીએ સરકાર દરમિયાન 9-3-2010ના રોજ રાજ્યસભામાં પસાર થયું હતું.
પી ચિદમ્બરમે આગળ લખ્યું, 'બીજેપી તેના 10માં વર્ષમાં તે બિલને પુનર્જીવિત કરી રહી છે જેને તેણે એ આશામાં દબાવી દીધું હતું કે બિલ પરનો અવાજ ઓછો થઈ જશે. પરંતુ ઉલટું કોંગ્રેસે દરેક પ્રસંગે આ મુદ્દો ઉઠાવ્યો છે. તાજેતરમાં હૈદરાબાદમાં યોજાયેલી CWCની બેઠકમાં કોંગ્રેસે સંસદમાં બિલ પસાર કરાવવા માટે ભારપૂર્વક અપીલ કરી હતી. અમને આશા છે કે વર્તમાન સત્રમાં બિલ રજૂ કરવામાં આવશે અને પસાર થઈ જશે."
તમને જણાવી દઈએ કે એવી અપેક્ષા છે કે મોદી સરકાર સંસદના વિશેષ સત્રના બીજા દિવસે ગૃહમાં મહિલા અનામત બિલ રજૂ કરશે. જો કે, મહિલા અનામત બિલ અંગે વિગતો આવવાની બાકી છે.
If the government introduces the Women's Reservation Bill tomorrow, it will be a victory for the Congress and its allies in the UPA government
— P. Chidambaram (@PChidambaram_IN) September 18, 2023
Remember, it was during the UPA government that the Bill was passed in the Rajya Sabha on 9-3-2010
In its 10th year, the BJP is…
Click it and Unblock the Notifications
Sign in with Google
