પહેલા તબક્કામાં આ 10 દિગ્ગજોની કિસ્મતનો ફેસલો થશે, આજે પ્રચારનો આખરી દિવસ
પહેલા તબક્કામાં આ દિગ્ગજોની કિસ્મતનો ફેસલો થશે, આજે પ્રચારનો આખરી દિવસ
11મી એપ્રિલે દેશણાં પહેલા તબક્કાની ચૂંટણી થનાર છે. આ દિવસે કેટલાય વીવીઆઈપી ઉમેદવારોની કિસ્મત ઈલેક્ટ્રોનિક વોટિંગ મશીનમાં કેદ થઈ જશે. પહેલા તબક્કામાં 20 રાજ્યોની 91 લોકસભા સીટો પર મતદાન થશે. પહેલા તબક્કામાં નિતિન ગડકરી, ચૌધરી અજિત સિંહ, વીકે સિંહ અને જયંત ચૌધરી સહિત આવા 10 વીવીઆઈપી ઉમેદવારોની કિસ્મતનો ફેસલો થશે. પહેલા તબક્કાની ટૉપ 10 સીટ પર એક નજર ફેરવો...
નિતિન ગડકરી
કેન્દ્રીય મંત્રી નિતિન ગડકરી મહારાષ્ટ્રના રાજકારણનો મોટો ચહેરો છે. ગડકરી ફરી એકવાર ભાજપની ટિકિટ પરથી નાગપુર સંસદીય સીટ પર ચૂંટણી લડી રહ્યા છે. આ સીટ પર તેમનો મુકાબલો કોંગ્રેસના ઉમેદવાર નાના પટોલે સાથે છે. આરએસએસના પ્રભાવ વાળી નાગપુર સીટ પર 2014માં ગડકરીએ 2.5 લાખથી વધુ વોટથી જીત નોંધાવી હતી. નાગપુર સીટ પર ભાજપનો દબદબો રહ્યો છે, પરંતુ કણબી સમાજથી આવતા નાના પટોલેના મેદાનમાં ઉતરવાથી ગડકરીને આ વખતે કાંટાની ટક્કર મળી શકે છે.
ચૌધરી અજીત સિંહ
આરએલડી સંસ્થાપક ચૌધરી અજીત સિંહ મુઝફ્ફરનગર સીટ પરથી પોતાની કિસ્મત અજમાવી રહ્યા છે. તેમની સીધી ટક્કર ભાજપના ઉમેદવાર સંજીવ બાલ્યાન સાથે છે. આ સીટ પર મુસલમાન, જાટવ અને જાટ વોટ બેંકનો સારોએવો પ્રભાવ છે. એસપી, બીએસપી અને આરએલડી ગઠબંધનને પગલે આ સીટ પર તેમનું પલડું ભારે છે. ચૌધરી અજીત સિંહને જાટોના મોટા નેતા માનવામાં આવે છે, જો કે તેઓ પાછલી ચૂંટણી મોદી લહેરના કારણે હારી ગયા હતા.
જનરલ વીકે સિંહ
દિલ્હીથી નજીક હોવાને પગલે ગાઝિયાબાદનું રાજકીય મહત્વ ભારે છે. પૂ્વ સેના પ્રમુખ અને વિદેશ રાજ્યમંત્રી જનરલ વીકે સિંહ ફરી એકવાર ભાજપની ટિકિટથી આ સીટ પર ઉમેદવાર છે. કોંગ્રેસ, સપા, બસપા-સપા અને આરએલડી ગઠબંધને આ સીટ પર વિકે સિંહ માટે મુકાબલાને ત્રિકોણીય બનાવી દીધો છે. વીકે સિંહને કોંગ્રેસની ડૉલી શર્મા અને ગઠબંધન ઉમેદવાર સુરેશ બંસલ સાથે કાંટાની ટક્કર મળે તેવી અપેક્ષા છે.
જયંત ચૌધરી
રાષ્ટ્રીય લોક દળના ઉપાધ્યક્ષ જયંત ચૌધરી પાર્ટીને રાજનીતિ વારસામાં મળી છે. તેમના બાબા સ્વર્ગીય ચૌધરી ચરણ સિંહ વડાપ્રધાન રહી ચૂક્યા છે જ્યારે પિતા અજિત સિંહ કેન્દ્રીય મંત્રીનો પદભાર સંભાળી ચૂક્યા છે. આ વખતે એસપી-બીએસપી અને આરએલડી ગઠબંધનના બેનર હેઠળ જયંત ચૌધરી બાગપત સંસદીય સીટથી ચૂંટણી લડી રહ્યા છે. બાગપત આરએલડીનો ગઢ છે, તેમના પિતા અજિત ચૌધરી અહીંથી કેટલીય વાર સાંસદ રહી ચૂક્યા છે. જયંત 15મી લોકસભામાં મથુરાથી સાંસદ રહ્યા છે. લોકસભા ચૂંટણી 2014માં તેઓ મથુરાથી હેમા માલની સામે હારી ગયા હતા.
ચિરાગ પાસવાન
અભિનેતાથી નેતા બનેલ ચિરાગ પાસવાન એનડીએ ગઠબંધન અંતર્ગત બિહારની જમુઈ લોકસભા સીટથી ચૂંટણી રણમાં છે. લોક જનશક્તિ પાર્ટી નેતા ચિરાગ પાસવાન 2014માં જમુઈ સીટથી ચૂંટણી લડ્યા અને 80 હજાર વોટથી જીતીને સંસદ પહોંચ્યા. આ વખતે ચિરાગ પાસવાનનો મુકાબલો મહાગઠબંધન અંતર્ગત રાલોસપા ઉમેદવાર ભૂદેવ ચૌધરી સાથે છે. ચિરાગ પાસવાન લોજપા અધ્યક્ષ રામ વિલાસ પાસવાનના દીકરા છે.
જીતનરામ માંઝી
બિહારના પૂર્વ મુખ્યમંત્રી જીતન રામ માંઝી મહાદળિય સમુદાયથી આવે છે. હિંદસ્તાની અવામ મોર્ચાના મુખ્યા જીતનરામ માંઝી બિહારના ગયા સંસદીય ક્ષેત્રથી ચૂંટણી લડી રહ્યા છે. જીતન રામ માંઝીની પાર્ટી રાષ્ટ્રીય જનતા દળ, કોંગ્રેસ અને વીઆઈપી મહાગઠબંધન સાથે મળીને લડી રહ્યા છે. ગયા સીટ પર મુખ્ય મુકાબલો રાજગ અને મહાગઠબંધન વચ્ચે માનવામાં આવી રહ્યો છે. 2014ની ચૂંટણીમાં જીતન રામ માંઝી જેડીયૂની ટિકિટ પર ચૂંટણી મેદાનમાં હતા અને જીતન રામ માંઝીને 1,31,828 વોટથી સંતોષ માનવો પડ્યો હતો. તેઓ ત્રીજા નંબર પર રહ્યા.
મહેશ શર્મા
કેન્દ્રીય મંત્રી મહેશ શર્મા આ વખતે ગૌતમ બુદ્ધ નગરથી ચૂંટણી રણમાં છે, તેમની કિસ્મત અહીં થનાર ત્રિકોણીય મુકાબલામાં દાવ પર લાગી છે. કોંગ્રેસે અરવિંદ કુમાર સિંહને જ્યારે સપા-બસપા-રાલોદ ગઠબંધને અહીં ભાજપના સતવીરને સંયુક્ત રૂપે પોતાના ઉમેદવાર બનાવ્યા છે. આ સંસદીય ક્ષેત્રથી બે નિર્દળીય સહિત કુલ 13 ઉમેદવારો મેદાનમાં છે.
દેશના સૌથી અમીર સાંસદો કોણ છે? અહીં જાણો
અસાદુદ્દીન ઓવૈસી
2014માં AIMIMના નેતા અસાદુદ્દીન ઓવૈસી હૈદરાબાદથી સતત ત્રીજીવાર લોકસભા સાંસદ ચૂંટાયા. હવે ફરી એકવાર અસાદુદ્દીન ઓવૈસી પોતાની કિસ્મત અજમાવી રહ્યા છે, તેઓ મુસલમાનોના મોટા ચેહરા છે. હૈદરાબાદ લોકસભા સીટ પર અત્યાર સુધી કુલ 16 વખત ચૂંટણી થઈ ચૂકી છે, જેમાંથી આઠ વાર AIMIMએ જીત નોંધાવી છે.
હાજી યાકૂબ કુરૈશી
મેરઠ સીટ મહાગઠબંધનમાં બસપને મળી છે. આ સીટ પર બીએસપીએ હાજી યાકૂબ કુરૈશીને ઉમેદવાર બનાવ્યા છે. હાજી યાકૂબ કુરૈશી બઢાપુરથી ધારાસભ્ય છે. આ વખતે એસપી-બીએસપી-આરએલડીના સંયુક્ત ઉમેદવારોના રૂપમાં હજી યાકૂબ કુરૈશી ભાજપને આકરો પડકાર આપી રહ્યા છે. આ સીટ પર હાજી યાકૂબ કુરૈશીનો મુખ્ય મુકાબલો ભાજપના રાજેન્દ્ર અગ્રવાલ અને કોંગ્રેસના હરેન્દ્ર અગ્રવાલ સાથે છે.
નસીમુદ્દીન સિદ્દીકી
ક્યારેક બીએસપીમાં નંબર 2 રહેલ નસીમુદ્દીન સિદ્દી આ વખતે યૂપીની બિઝનોર લોકસભા સીટ પરથી કોંગ્રેસની ટિકિટ પર ચૂંટણી લડી રહ્યા છે. બસપાએ આ સીટ પર મલૂક નાગર અને ભાજપે કુંવર ભારતેંદુ સિંહને ઉમેદવાર બનાવ્યા છે. આ સીટ પર ત્રિકોણીય મુકાબલો થવાની ઉમ્મીદ છે.