પેટા ચૂંટણીમાં ફરીથી સામસામે હશે INDIA અને NDA, 7 રાજ્યોની 13 સીટો પર છે ચૂંટણી
લોકસભા ચૂંટણીમાં બીજેપીને સબક સીખવાડ્યા બાદ હવે ઈન્ડિયા બ્લોકે પેટા ચૂંટણી માટે કમર કસી છે. 10 જૂલાઈએ યોજાનારી ચૂંટણીમાં બન્ને ગઠબંધન સામસામે હશે.
લોકસભા ચૂંટણી બાદ દેશભરના વિવિધ રાજ્યોમાં 13 વિધાનસભા બેઠકો માટે 10 જુલાઈએ પેટાચૂંટણી યોજાવાની છે. કેટલીક બેઠકો જ્યાં પેટાચૂંટણી યોજાવાની છે તે લોકસભાની ચૂંટણી બાદ ખાલી પડી છે.
ઘણા ધારાસભ્યોએ સંસદીય ચૂંટણીમાં ભાગ લેવા માટે વિધાનસભા છોડી દીધી હતી તેથી તે વિધાનસભા બેઠકો ખાલી પડી છે. કેટલાક ધારાસભ્યોના મૃત્યુ પછી વિધાનસભાની બેઠકો ખાલી થઈ છે, આ સીટો માટે નવા ધારાસભ્યોની પસંદગી માટે પેટાચૂંટણી હાથ ધરવામાં આવી રહી છે.
10 જુલાઈએ બિહારની 1, બંગાળની 4, તમિલનાડુની 1, મધ્યપ્રદેશની 1, ઉત્તરાખંડની 2, પંજાબની 1 અને હિમાચલની 3 બેઠક પર મતદાન થશે.
આ બેઠકો પર પેટાચૂંટણી માટે જાહેરનામું 14 જૂને બહાર પાડવામાં આવ્યું હતું, નામાંકન માટેની છેલ્લી તારીખ 21 જૂન હતી અને 24 જૂને ચકાસણી પણ કરવામાં આવી છે.. 10 જુલાઈના રોજ મતદાન થશે.
આ ચૂંટણીમાં એક તરફ સત્તાધારી બીજેપી અને સહયોગી પક્ષોનું એનડીએ ગઠબંધન છે તો બીજી તરફ મુખ્ય વિપક્ષી પાર્ટી કોંગ્રેસનું ઈન્ડિયા ગઠબંધન છે. બન્ને આ ચૂંટણીમાં પુરી તાકાત સાથે જંપલાવશે. લોકસભા ચૂંટણમાં બીજેપીને માત આપ્યા બાદ કોંગ્રેસ જોશમાં છે તો બીજેપી સાખ બચાવવા મેદાને ઉતરશે.
Click it and Unblock the Notifications
Sign in with Google
