UNSC સ્થાઈ સભ્યપદ માટે ભારતને બ્રિટનનો સાથ મળ્યો, વિદેશ સચિવે ભારતનું સમર્થન કર્યુ

લાંબા સમયથી ભારત યુનાઈટેડ નેશન્સમાં કાયમી સભ્યપદ મેળવવા માટે સતત પ્રયાસો કરી રહ્યું છે ત્યારે હવે ભારતને બ્રિટનનો સપોર્ટ મળ્યો છે. બ્રિટનના વિદેશમંત્રી ભારતનું સમર્થન કર્યુ છે.

અહેવાલો અનુસાર, બ્રિટનના વિદેશ સચિવ જેમ્સ ક્લેવરલીએ યુએનમાં કાયમી સભ્યપદ માટે બ્રાઝિલ, જર્મની અને જાપાન સાથે ભારતને સમર્થન આપતાં યુએન સિક્યુરિટી કાઉન્સિલના વિસ્તરણની પહેલ કરી છે.

આ સાથે સાથે બ્રિટનના વિદેશ સચિવ જેમ્સ ક્લેવરલીએ જણાવ્યું છે કે, આફ્રિકા વિશ્વ મંચ પર વધુ બુલંદ અવાજને પાત્ર છે. મંગળવારે કાઉન્સિલ ઓન ફોરેન રિલેશન્સમાં પોતાના સંબોધનમાં તેમણે કહ્યું કે, દુનિયામાં આપણે જે પડકારોનો સામનો કરીએ છીએ તે વિશાળ છે, પરંતુ આપણી પાસે સકારાત્મક પ્રગતિ કરવાની તક છે.

તેમણે કહ્યું કે, આનો અર્થ એ છે કે આપણે આપણા પરંપરાગત મિત્રો અને સાથીઓ સાથે કામ કરીએ છીએ પરંતુ એ પણ છે કે આપણે વિશ્વની ઉભરતી શક્તિઓને સાથે લાવવાની છે. ઉદાહરણ તરીકે, યુકેએ યુએન સુરક્ષા પરિષદના વિસ્તરણને પ્રોત્સાહન આપ્યું છે.

તેમણે કહ્યું કે, અમે માનીએ છીએ કે ભારત, બ્રાઝિલ, જર્મની, જાપાનને કાયમી સભ્યપદ મળવું જોઈએ. તેમણે કહ્યું કે, આફ્રિકા વિશ્વ મંચ પર તેનો અવાજ બુલંદ કરવા ખરેખર લાયક છે.

આ દરમિયાન વિદેશ સચિવે પોતાની બેઈજિંગ મુલાકાતનો પણ ઉલ્લેખ કર્યો અને કહ્યું કે, જ્યાં બંને દેશો વચ્ચે ઊંડો મતભેદ છે ત્યાં પણ તેમણે ચીનને સાથે આવવા કહ્યું છે.

તેમણે આગળ કહ્યું કે, તેમણે ચીનને એ પણ કહ્યું છે કે, શિનજિયાંગમાં ઉઇગુર મુસ્લિમ સમુદાય પર થતા અત્યાચાર બંધ કરવામાં આવે. તેમણે તાઈવાન સ્ટ્રેટ પર ચીને લીધેલા કડક વલણ અંગે પણ ચીન સાથે વાત કરી છે.

બ્રિટનના વિદેશ સચિવે આગળ જણાવ્યુ કે, રશિયન રાષ્ટ્રપતિ વ્લાદિમીર પુતિન માને છે કે તે યુક્રેન અને વિશ્વભરના તેના મિત્રોને પછાડી શકે છે. જોકે તે ખોટા હતા. તેમણે યુક્રેનને સૈન્ય સહાય આપવા બદલ યુએસની પ્રશંસા કરી અને કહ્યું કે બ્રિટન, યુએસ અને વિશ્વના અન્ય દેશોના સમર્થનથી યુક્રેનિયનોને આ સંઘર્ષમાં લડવાની તક મળી.

English summary

India gets Britain's support for UNSC permanent membership, Foreign Secretary backs India