• search
For Quick Alerts
ALLOW NOTIFICATIONS  
For Daily Alerts

સેનાએ સર્જીકલ સ્ટ્રાઇકના 90 મિનિટના વીડિયો રિલીઝને આપી લીલી ઝંડી

By Manisha Zinzuwadia
|

ઘણા સમયથી અમુક લોકો સર્જીકલ સ્ટ્રાઇકના પુરાવા માંગી રહયા હતા. હાલમાં જ એક વીડિયો જારી કરીને પાકિસ્તાન દ્વારા સર્જીકલ સ્ટ્રાઇકને ખોટી ઠેરવવાના દાવાને પોકળ સાબિત કરવાની પીએમ મોદીને અરજ કરવામાં આવી હતી. હવે સમાચાર એ છે કે સેનાએ સર્જીકલ સ્ટ્ર્રાઇકનો વીડિયો ફૂટેજ રિલીઝ કરવા માટે લીલી ઝંડી આપી દીધી છે. સેનાએ સરકારને કહ્યું કે તે પાકિસ્તાનમાં કરાયેલ સર્જીકલ સ્ટ્રાઇકનો વીડિયો ફૂટેજ જારી કરે શકે છે. સમાચાર છે કે આ વીડિયો લગભગ 90 મિનિટનો છે.

ભારતભરના મુખ્ય સમાચાર સંક્ષિપ્તમાં વાંચો અહીં

પીએમઓ લેશે આખરી નિર્ણય

હવે આ સંદર્ભમાં આખરી નિર્ણય પ્રધાનમંત્રી કાર્યાલય દ્વારા લેવામાં આવશે. સેનાએ આ વીડિયો રિલીઝનો નિર્ણય એટલા માટે લીધો કારણકે જે લોકો સેના દ્વારા કરાયેલા આ સર્જીકલ સ્ટ્રાઇક પર સવાલ ઉઠાવી રહ્યા છે, તેમને પોતાના સવાલોનો જવાબ મળી શકે. વળી આ તરફ, આ વીડિયો રિલીઝ કરવાથી પાકિસ્તાનને પણ મુહતોડ જવાબ મળશે. તમને જણાવી દઇએ કે જ્યારથી સેનાએ સર્જીકલ સ્ટ્રાઇક કર્યું છે ત્યારથી પાકિસ્તાન આ સર્જીકલ સ્ટ્રાઇકને માનવાનો ઇનકાર કરી રહ્યું છે.

29 સપ્ટેમ્બરે થઇ હતી સર્જીકલ સ્ટ્રાઇક

તમને જણાવી દઇએ કે ભારતીય સેનાએ 29 સપ્ટેમ્બરે પાકિસ્તાન અધિક્રુત કાશમીરમાં સર્જીકલ સ્ટ્રાઇક કરી હતી, જે અંતર્ગત 7 આતંકવાદી છાવણીઓ નિશાન બનાવી આશરે 38 આતંકવાદીઓને મારવામાં આવ્યા હતા, પરંતુ પાકિસ્તાન સતત આ વાત માનવાથી ઇનકાર કરી રહ્યો છે. સર્જીકલ સ્ટ્રાઇકને લઇને માત્ર પાકિસ્તાને જ સવાલ નથી ઉઠાવ્યા પરંતુ દિલ્હીના મુખ્યમંત્રી અરવિંદ કેજરીવાલ, કોંગ્રેસ નેતા સંજય નિરુપમ અને દિગ્વિજય સિંહે પણ સવાલ ઉઠાવ્યા છે. આના કારણે જ હવે સેનાએ સર્જીકલ સ્ટ્રાઇકના પુરાવા સામે લાવવા માટે લીલી ઝંડી બતાવી દીધી છે.

તણાવ વધવાનો ડર

વીડિયો રિલીઝ કરવામાં એક સૌથી મોટી મુશ્કેલી એ છે કે આને રિલીઝ કર્યા બાદ ભારત અને પાકિસ્તાન વચ્ચે તણાવ વધી ન જાય. આ જ કારણ છે કે સરકાર વીડિયો રિલીઝ કરવામાં અચકાઇ રહી છે. તમને જણાવી દઇએ કે જો આ વીડિયો સામે આવશે તો તેનો સૌથી મોટુ નુકશાન પાકિસ્તાનને થશે. પાકિસ્તાન સરકાર અને ત્યાંની સેના પોતાના જ દેશમાં ઘેરાઇ જશે, કારણકે તે સતત આ પ્રકારનું કોઇ સર્જીકલ સ્ટ્રાઇક ન થયુ હોવાનો દાવો કરી રહ્યું છે.

વીડિયો સાથે ફોટા પણ

સેનાના ઉચ્ચ રણનીતિકારોએ જણાવ્યું કે સેના પાસે સર્જીકલ સ્ટ્રાઇકની માત્ર વીડિયો જ નહિ પરંતુ ફોટા પણ છે. આ ફોટા સૈનિકો અને અનમેંડ એરિયલ વીકલ્સથી ખેંચવામાં આવ્યા છે.

English summary
Indian army gives green signal to release surgical strikes video.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more