ભાજપ ધારાસભ્ય આકાશની મારપીટનો શિકાર બનેલા અધિકારીની તબિયત બગડી, ICUમાં ભરતી
મધ્ય પ્રદેશના ઈંદોરમાં ભાજપ ધારાસભ્ય આકાશ વિજયવર્ગીય દ્વારા નગરનિગમના અધિકારીની મારપીટ બાદ ઉઠેલો વિવાદ સતત વધી રહ્યો છે.
મધ્ય પ્રદેશના ઈંદોરમાં ભાજપ ધારાસભ્ય આકાશ વિજયવર્ગીય દ્વારા નગરનિગમના અધિકારીની મારપીટ બાદ ઉઠેલો વિવાદ સતત વધી રહ્યો છે. બુધવારે પોલિસે આકાશની ધરપકડ કરી લીધી હતી. હાલમાં તે જેલમાં બંધ છે. આ દરમિયાન સમાચાર આવ્યા છે કે આકાશ વિજયવર્ગીયએ જે નગરનિગમના અધિકારીની મારપીટ કરી હતી તેમની તબિયત શુક્રવારે બગડી ગઈ છે. ત્યારબાદ તે અધિકારીને આઈસીયુમાં ભરતી કરવામાં આવ્યા છે.
મીડિયા રિપોર્ટ્સ મુજબ નગર નિગમના અધિકારીને એક ખાનગી હોસ્પિટલમાં આઈસીયુમાં ભરતી કરવામાં આવ્યા છે. હોસ્પિટલના ડૉક્ટરોએ જણાવ્યુ કે નગર નિગમના ભવન નિરીક્ષક ધીરેન્દ્ર સિંહ બાયસ (46) ને ગુરુવારે મોડી સાંદે હાઈ બ્લડ પ્રેશરની ફરિયાદ પર આઈસીયુમાં ભરતી કરવામાં આવ્યા. ડૉક્ટરોએ જણાવ્યુ કે દર્દીની હાલત સ્થિર છે.
વળી, ભાજપ નેતા અને કાર્યકર્તા આજે ધારાસભ્ય આકાશની ધરપકડના વિરોધમાં પ્રદર્શન કરવા જઈ રહ્યા છે. સમર્થકો દ્વારા શહેરમાં લગાવાયેલા પોસ્ટરમાં 'સેલ્યુટ આકાશજી' લખેલુ છે. બીજી તરફ ગુરુવારે નગર નિગમના કર્મચારીઓએ કાળી પટ્ટી બાંધીને ધારાસભ્ય દ્વારા અધિકારીઓની મારપીટનો વિરોધ કર્યો હતો. આકાશ વિજયવર્ગીય મધ્ય પ્રદેશમાં ભાજપના મોટા નેતા પાર્ટી મહાસચિવ કૈલાશ વિજયવર્ગીયના પુત્ર છે.
Madhya Pradesh: Municipal Corporation officer who was thrashed by BJP MLA Akash Vijayvargiya in Indore, on June 26, has been hospitalized after he complained of respiratory problem. More details awaited.
— ANI (@ANI) 28 June 2019
આકાશ વિજયવર્ગીયએ બુધવારે પોતાના વિસ્તારમાં એક નિગમ અધિકારીને બેટથી ત્યારે માર્યા હતા જ્યારે તે ટીમ સાથે અહીં એક જર્જરિત મકાન તોડી પાડવા માટે પહોંચ્યા હતા. આકાશની રસ્તા પર ગુંડાગિરી અને મારપીટનો વીડિયો મીડિયામાં પણ આવી ગયો હતો. ત્યારબાદ તેમના પર કેસ કરીને તેમની ધરપકડ કરી લેવામાં આવી હતી.
આ પણ વાંચોઃ તો શું પહેલેથી જ પરિણીત છે સુનૈના રોશનને પ્રેમ કરવાનો દાવો કરનાર રુહેલ અમીન?