મમતા બેનર્જીના સમર્થનમાં જોડાયા બુદ્ધિજીવીઓ અને કલાકારો

નવી દિલ્હી, 26 સપ્ટેમ્બર: રિટેલ સેક્ટરમાં એફડીઆઇ, ડીઝલના ભાવ વધારા અને રાંઘણગેસની મર્યાદા સીમિત કરવામાં આવતાં તૃણમૂલ કોંગ્રેસના મમતા બેનર્જી દ્રારા કેન્દ્ર સરકારનો સાથ છોડી દેવના નિર્ણયને આવકારતાં વિભિન્ન વર્ગના લોકોએ મમતા બેનર્જીને પોતાનું સમર્થન પુરૂ પાડ્યું છે. બુદ્ધિજીવીઓ, કલાકાર, ગાયક, ફિલ્મ કલાકાર, થિયેટર સાથે જોડાયેલા લોકો, ફૂટબોલર અને રમતવીરો મમતા બેનર્જીને સમર્થન પુરૂ પાડવા પડખે આવી ગયા છે.

રિટેલ સેક્ટરમાં એફડીઆઇને એક ત્રાસદાયક પગલું જણાવતાં બંગાળના ફિલ્મકાર ગૌતમ ઘોષે કહ્યું હતું કે કેન્દ્ર સરકારે પોતાના ઘટક સાથે ચર્ચા-વિચારણા કર્યા વિના એકતરફી અસંવૈધાનિક નિર્ણય લીધો છે. તેમણે કહ્યું હતું કે તૃણમૂલ કોંગ્રેસે યૂપીએ સરકારમાંથી ટેકો પાછો ખેંચી એક ઐતિહાસિક નિર્ણય લીધો છે. તૃણમૂલના બુદ્ધિજીવી સમર્થકોએ એક રેલી આયોજન કર્યું છે.

English summary

People from various walks of life on tuesday lent their support to Trinamool Congress Chief Mamata Banerjee's opposition to FDI in retail, diesel price hike and cap on subsidised LPG cylinders.