International Yoga Day 2023: બીએસએફના અધિકારીઓ અને જવાનોએ જમ્મુમાં કર્યા યોગ

International Yoga Day 2023: આજે આંતરરાષ્ટ્રીય યોગ દિવસની સમગ્ર વિશ્વમાં ઉજવણી થઈ રહી છે. યોગ દિવસ પર આર્મીના જવાનોએ પણ યોગ કર્યા. જમ્મુ કાશ્મીરના આરએસ પુરા સેક્ટરમાં બીએસએફના અધિકારીઓ અને જવાનોએ આંતરરાષ્ટ્રીય યોગ દિવસ પર યોગાભ્યાસ કર્યો.

ભારતીય સેનાના અધિકારીઓ અને જવાનોએ કાશ્મીરથી કન્યાકુમારી સુધી યોગ કર્યા હતા. તમને જણાવી દઈએ કે આંતરરાષ્ટ્રીય યોગ દિવસની ઉજવણીમાં સશસ્ત્ર દળના જવાનોએ પણ ભાગ લીધો. લદ્દાખના પેંગોંગમાં સેનાના જવાનોએ યોગ કર્યા હતા.

આ પ્રસંગે નેવીએ 'ઓશન રિંગ ઓફ યોગા'ની રચના કરી હતી. ભારતીય નૌકાદળના 19 જહાજો પર સવાર લગભગ 3,500 ખલાસીઓએ રાષ્ટ્રીય અને આંતરરાષ્ટ્રીય જળમાં યોગના રાજદૂત તરીકે 35,000 કિમીનું અંતર કાપ્યું હતું.

ગુજરાતના સુરતમાં પણ વિશ્વ યોગ દિવસની ભવ્ય ઉજવણી કરવામાં આવી. સીએમ ભૂપેન્દ્ર પટેલની હાજરીમાં શહરના 1.50 લાખ લોકોએ યોગ કરીને ગિનિશ બુક ઑફ વર્લ્ડ રેકૉર્ડ બનાવ્યો હતો.

આ અવસર પર પીએ મોદીએ વર્ચ્યુઅલ સંબોધનમાં દેશવાસીઓને એક સંદેશ આપ્યો હતો. પીએમ મોદીએ કહ્યું કે હું યોગ દિવસની ઉજવણી દરમિયાન કોઈને કોઈ કાર્યક્રમમાં તમારી વચ્ચે હાજર રહેતો હતો. તમારા બધા સાથે યોગ કરવાનો આનંદ પણ યાદગાર છે.

પરંતુ આ વખતે વિવિધ પ્રતિબદ્ધતાઓને લીધે હું હાલમાં અમેરિકામાં છું, તેથી હું વીડિયો સંદેશ દ્વારા તમારી સાથે જોડાઈ રહ્યો છું. મિત્રો, હું તમને એ પણ જણાવી દઉં કે ભલે હું તમારી વચ્ચે યોગ કરી શકતો નથી પરંતુ હું યોગ કરવાના કાર્યક્રમથી ભાગી રહ્યો નથી.

#WATCH | BSF officers and Jawans perform yoga on #9thInternationalYogaDay at International Border in R S Pura sector of Jammu pic.twitter.com/Bw1RcHAcuZ

— ANI (@ANI) June 21, 2023

English summary

International Yoga Day 2023: BSF officers and jawans performed yoga in Jammu