વધુ એક ઐતિહાસિક ઉડાન તરફ ISRO, જાણો કેટલુ મહત્વ છે POEM?
અવકાશ ક્ષેત્રે એક પછી એક મોટા પગલા ભરી રહેલુ ઈશરો હવે એક મોટી સફળતા મેળવવા જઈ રહ્યુું છે. ભારતની અગ્રણી અવકાશ સંસ્થા ઈન્ડિયન સ્પેસ રિસર્ચ ઓર્ગેનાઈઝેશન આગામી મિશન પર ધ્રુવીય સેટેલાઇટ લોન્ચ વ્હીકલને લોન્ચ કરવા માટે તૈયાર છે. આ રોકેટ ઉપગ્રહો અને પેલોડ સાથે પ્રયોગો માટે એક આંતરિક પ્લેટફોર્મ સાથે ઉડાન ભરશે.
PSLV-C55 આંધ્રપ્રદેશના શ્રીહરિકોટા સ્થિત સતીશ ધવન સ્પેસ સેન્ટરથી બપોરે 2:19 કલાકે લોંચ કરાશે. આ પીએસએલવીની 57મી ઉડાન હશે અને પીએસએલવી કોરનો ઉપયોગ કરનારૂ 16મું મિશન હશે.
PSLV-C55 સિંગાપોરના બે ઉપગ્રહોને ભ્રમણકક્ષામાં લઈ જશે. આમાંથી એક ભ્રમણકક્ષાના પ્રાયોગિક મોડ્યુલ POEM ને સાથે લઈ જશે. આ મોડ્યુઅલ અવકાશમાં શૂન્યાવકાશમાં પ્રયોગોનું કરવાનું કામ કરશે.
ISRO નું POEM મોડ્યુલનું પૂર્ણ PSLV ઓર્બિટલ એક્સપેરિમેન્ટલ મોડ્યુલ છે. POEM મોડ્યુલ પ્રક્ષેપણ વ્હિકલ PSLV-C55 નો ચોથો તબક્કો છે અને તેનો ઉદ્દેશ્ય વૈજ્ઞાનિકોને ભ્રમણકક્ષામાં પ્રયોગો કરવાની તક આપવાનો છે. ISROના PSLV ના છેલ્લા એટલે કે ચોથા તબક્કાના ભાગનો ફરીથી ઉપયોગ કરવામાં આવશે, જે સામાન્ય રીતે પ્રક્ષેપણ બાદ નાશ પામે છે.
Click it and Unblock the Notifications
Sign in with Google
