Jharkhand Election Result: ઝારખંડ ચૂંટણીમાં ઈન્ડિયા બ્લોક 48 તો NDA 28 સીટો પર આગળ

પ્રારંભિક ચૂંટણી પરિણામો મુજબ ઝારખંડ મુક્તિ મોરચા (JMM)ની આગેવાની હેઠળનું ઈન્ડિયા જૂથ ઝારખંડની 81 વિધાનસભા બેઠકોમાંથી 48 બેઠકો પર આગળ હતું, જ્યારે ભારતીય જનતા પાર્ટી (BJP)ના નેતૃત્વવાળી રાષ્ટ્રીય લોકશાહી ગઠબંધન (NDA) 28 બેઠકો પર આગળ હતાં. શનિવારે સવારે 8 વાગ્યાથી મતગણતરી શરૂ થઈ હતી.

10:50 AM સુધીમાં, I.N.D.I.A. જૂથ 48 બેઠકો પર, NDA 28 બેઠકો પર, એક સ્વતંત્ર અને ઝારખંડ લોકતાંત્રિક મોરચા (JLKM) બે બેઠકો પર આગળ છે. બીજા રાઉન્ડની મતગણતરી બાદ મુખ્યમંત્રી હેમંત સોરેન બરહૈતમાં ભાજપના ગામલીયેલ હેમ્બ્રોમ પર 4,921 મતોથી આગળ હતા.

ભાજપના પ્રદેશ પ્રમુખ બાબુલાલ મરાંડી સીપીઆઈએમએલના રાજકુમાર યાદવ કરતાં 5,102 મતોથી આગળ હતા. ત્રીજા રાઉન્ડની મતગણતરી બાદ જેએમએમના ઉમેદવાર અને મંત્રી બેબી દેવીએ ડુમરીમાં JLKMના જયરામ મહતો સામે 3,315 મતોથી આગળ છે. કોંગ્રેસના મંત્રી બન્ના ગુપ્તા જમશેદપુર પશ્ચિમમાં JDUના સરયૂ રોય સામે 7,788 મતોથી પાછળ છે.

NDA સાથી AJSU પાર્ટીના નેતા સુદેશ મહતો સિલ્લીમાં JMMના અમિત કુમાર સામે 3,998 મતોથી પાછળ હતા. જગન્નાથપુરમાં, પૂર્વ સાંસદ અને ભાજપના ઉમેદવાર ગીતા કોરા કોંગ્રેસના સોનારામ સિંકુ સામે 4,982 મતોથી પાછળ છે. ખુંટીમાં જેએમએમના રામસૂર્ય મુંડા ભાજપના નીલકંઠ સિંહ મુંડા પર 3,492 મતોથી આગળ છે.

ભૂતપૂર્વ મુખ્ય પ્રધાન અને ભાજપના ઉમેદવાર ચંપાઈ સોરેન, પ્રથમ રાઉન્ડ પછી જેએમએમના ગણેશ માહલી સામે સરાઈકેલામાં શરૂઆતમાં 2,986 મતોથી પાછળ હતા, બીજા રાઉન્ડમાં 856 મતોથી આગળ હતા. બર્મોમાં, કોંગ્રેસના કુમાર જૈમંગલ સિંઘ 608 મતોથી પાછળ છે.

1,211 ઉમેદવારોનું ભાવિ નક્કી કરશે

પરિણામો 1,211 ઉમેદવારોનું ભાવિ નક્કી કરશે, જેમાં બરહૈતના મુખ્ય પ્રધાન હેમંત સોરેન અને ગાંડેથી તેમની પત્ની કલ્પનાનો સમાવેશ થાય છે. અન્ય અગ્રણી ઉમેદવારોમાં નાલાથી JMMના સ્પીકર રવીન્દ્ર નાથ મહતો અને મહાગામાના કોંગ્રેસના દીપિકા પાંડે સિંહનો સમાવેશ થાય છે.

મુખ્ય ચૂંટણી અધિકારી કે. રવિ કુમારે જણાવ્યું કે ચુસ્ત સુરક્ષા હેઠળ મતગણતરી ચાલી રહી છે અને સાંજે 4 વાગ્યા સુધીમાં પૂર્ણ થવાની અપેક્ષા છે. આ ચૂંટણીમાં 67.74% મતદાન થયું હતું, જે 15 નવેમ્બર, 2000 ના રોજ ઝારખંડની રચના પછી સૌથી વધુ છે. 13 અને 20 નવેમ્બરના રોજ બે તબક્કામાં ચૂંટણી યોજાઈ હતી.

English summary

During the counting of the Jharkhand assembly elections, initial trends show that the JMM-led Bharat Bloc is leading in 48 seats, while the NDA is leading in 28 seats.