Karnataka election : કર્ણાટક ચૂંટણીમાં ગેમ ચેન્જર સાબિત થઈ શકે છે કિચ્ચા સુદીપ? જાણો કેવી રીતે?
કર્ણાટક વિધાનસભા ચૂંટણીમાં રાજનીતિ સાથે ફિલ્મી સ્ટારની એન્ટ્રી પણ થઈ ચુકી છે. કન્નડ સુપર સ્ટાર કિચ્ચા સુદીપે બીજેપી જોઈન કરતા અભિનેતા પ્રકાશ રાજે તેની ટીકા કરી છે. જો કે બીજી તરફ કર્ણાટકમાં કિચ્ચા સુદીપ બીજેપી માટે લકી સાબિત થઈ શકે છે અને પુરી ગેમ બદલી શકે છે. આ જ કારણ છે કે કિચ્ચાની એન્ટ્રીએ વિરોધીઓને હલબલાવ્યા છે.
કિચ્ચા સુદીપે ચૂંટણીમાં બીજેપીને સમર્થન આપવાની જાહેરાત કરી છે અને સાથે સાથે તેણે મુખ્યમંત્રી બસવરાજ બોમ્મઈને પોતાના મામા ગણાવ્યા છે અને કહ્યું છે કે, બસવરાજ ગમે તે પાર્ટીમાં હોય તે તેને સપોર્ટ કરશે. હવે આ એન્ટ્રીથી રાજનીતિ ગરમાઈ છે. કિચ્ચા સુદીપે કહ્યું કે બોમ્માઈ તેમના સંઘર્ષના દિવસોમાં સાથે ઊભા હતા. તેથી તેમને ટેકો આપવો તે પોતાની ફરજ છે.
હવે અટકળો લાગી રહી છે કે કિચ્ચાની એન્ટ્રીથી બીજેપીને ફાયદો થઈ શકે છે. આ જ કારણ છે કે વિરોધીઓ પ્રહાર કરી રહ્યા છે. કિચ્ચા સુદીપની એન્ટ્રીથી ભાજપને સૌથી મોટો ફાયદો એ છે કે કર્ણાટકમાં તેની મોટી ફેન ફોલોઈંગ છે. કિચ્ચાના ચૂંટણી પ્રચારથી બીજેપીને સરકાર દ્વારા કરાયેલા વિકાસ કાર્યોને લોકો સુધી પહોંચાડવાની તક મળશે.
અહીં બીજેપીની નજર એ વાત અટકી છે કે કિચ્ચાની ફેન ફોલોઈંગને વોટ શેરમાં બદલી શકે છે કે નહીં. આ જ કારણે છે કે બીજેપીને કિચ્ચાથી ઉમ્મીદ છે. કિચ્ચા સુદીપનું ભાજપ કેમ્પમાં જોડાવું એ એક વ્યૂહાત્મક પગલું છે. કિચ્ચા નાયક સમુદાયમાંથી આવે છે, જે રાજ્યની 7 ટકા વસ્તી ધરાવે છે. આ સ્થિતિમાં નાયક સમાજના મત પણ ભાજપને મળી શકે છે.
બીજેપી સારી રીતે જાણે છે કે સુદીપ પાસે યુવા પેઢી અને નાયક સમુદાયને પોતાની તરફ આકર્ષિત કરવાનો કરિશ્મા છે. આ નાયક સમુદાયો બલ્લારી, રાયચુર, કોપ્પલ, ગદગ અને ચિત્રદુર્ગ જિલ્લાના ભાગોમાં વસે છે. કર્ણાટકમાં અભિનેતા ઉમેદવારો માટે પ્રચાર કરે છે પરંતુ પાર્ટીમાં જોડાતા નથી કે ટ્રેન્ડ છે. 2018ની વિધાનસભા ચૂંટણીમાં કિચ્ચા સુદીપે બી. મોલાકલમુરુ વિધાનસભા ક્ષેત્રમાં શ્રીરામુલુ માટે પ્રચાર કર્યો હતો.
હાલમાં જ કિચ્ચા સુદીપ અને પ્રદેશ કોંગ્રેસ પ્રમુખ ડીકે શિવકુમારના ફોટો વાયરલ થયા હતા. ફોટો વાયરલ થયા બાદ એવી અટકળો શરૂ થઈ કે અભિનેતા કર્ણાટકની ચૂંટણી પહેલા જૂની પાર્ટીમાં જોડાઈ શકે છે. કિચ્ચા પોતે શિવમોગ્ગા જિલ્લાના છે. તેને ત્યાંના લોકોનું જબરદસ્ત સમર્થન છે.
Click it and Unblock the Notifications
Sign in with Google
