જાણો, રાહુલ ગાંધી પાસે કેટલી સંપત્તિ છે, મા સોનિયા ગાંધી પાસેથી લઈ રાખી છે લોન

જાણો, રાહુલ ગાંધી પાસે કુલ કેટલી સંપત્તિ છે

નવી દિલ્હીઃ કોંગ્રેસ અધ્યક્ષ રાહુલ ગાંધી આ વખતે ઉત્તર પ્રદેશના અમેઠી ઉપરાંત કેરળના વાયનાડથી ચૂંટણી લડી રહ્યા છે. રાહુલ ગાંધીએ ગુરુવારે કેરળના વાયનાડમાં પોતાનું નામાંકન પત્ર દાખલ કર્યું, આ દરમિયાન રાહુલ ગાંધીએ રોડ શો કર્યો, જેમાં તેની બહેન અને કોંગ્રેસના મહાસચિવ પ્રિયંકા ગાંધી પણ સામેલ હતાં. રાહુલ ગાંધીએ પોતાના નામાંકન દરમિયાન શપથ પત્રમાં પોતાની કુલ સંપત્તિની જાણકારી આપી છે. રાહુલ ગાંધીએ પોતાની કુલ સંપત્તિ 14.85 કરોડ રૂપિયા ઘોષિત કરી છે.

કુલ સંપત્તિ આટલી

ગત લોકસભા ચૂંટણી 2014માં રાહુલ ગાંધીએ પોતાની જે સંપત્તિ જાહેર કરી તેની સરખામણીમાં 2019માં રાહુલ ગાંધીની સંપત્તિમાં 4.85 કરોડ રૂપિયાનો વધારો થયો છે. 2014ની લોકસભા ચૂંટણીમાં રાહુલ ગાંધીએ પોતાની કુલ સંપત્તિ 10 કરોડ રૂપિયા જાહેર કરી હતી. વાયનાડમાં ડીએમ સમક્ષ રાહુલ ગાંધીએ જે શપથ પત્ર આપ્યું તેમાં રાહુલે જણાવ્યું કે તેમની પાસે કુલ 58058799 રૂપિયાની ચળ સંપત્તિ છે, જ્યારે 79303977 રૂપિયાની અચળ સંપત્તિ છે. વર્ષ 2017-18માં રાહુલ ગાંધીની કુલ આવક 11185570 રૂપિયા છે.

મા પાસેથી લોન લીધી

રાહુલ ગાંધીએ પાંચ લાખ રૂપિયાની પર્સનલ લોન લીધી છે, આ લોન તેમણે પોતાની મા સોનિયા ગાંધી પાસેથી લીધી છે, રાહુલ ગાંધી પર કુલ 7201904 રૂપિયાનું દેણું છે. રાહુલ ગાંધીએ કુલ 8 કરોડ 75 લાખ 70 હજાર રૂપિયાની કમાણી છે. તેની પાસે વિવિધ બેંકોમાં કુલ 17 લાખ 93 હજાર 693 રૂપિયા છે. વર્ષ 2014માં રાહુલ ગાંધીએ પોતાની કુલ સંપત્તિ 8 કરોડ 7 લાખ 58 હજાર 265 રૂપિયા ઘોષિત કરી હતી, જ્યારે અચળ સંપત્તિ 1 કરોડ 32 લાખ 48 હજાર 284 રૂપિયા હતી. રાહુલ પાસે વર્ષ 2012-13માં કુલ 2 લાખ 46 હજાર 973 રૂપિયાની સંપત્તિ હતી.

માત્ર 40,000 રૂપિયા રોકડા

પોતાના શપથ પત્રમાં રાહુલ ગાંધીએ જણાવ્યું કે 31 માર્ચ સુધી તેમની પાસે કુલ 40 હજાર રૂપિયા છે. તેમણે પૂર્વજો પાસેથી 1 કરોડ 32 લાખ 48 હજાર 284 રૂપિયા મળ્યા છે. તેમણે72 લાખ 1 હજાર 904 રૂપિયા બેંક પાસેથી લીધા. તેમણે કુલ 5 કરોડ 19 લાખ 44 હજાર 682 રૂપિયા વિવિધ બૉન્ડ અને શેરમાં રોક્યા છે. તેમની પાસે કુલ 2 લાખ 91 હજાર 367 રૂપિયાની જ્વેલરી છે, જેમાં 333.300 ગ્રામ સોનું છે. 2014માં સંપત્તિ

2014માં સંપત્તિ

વર્ષ 2014માં રાહુલ ગાંધીએ પોતાના શપથ પત્રમાં આ વાતની જાણકારી આપી હતી કે તેની પાસે કુલ 35000 રૂપિયાની રોકડ છે જ્યારે વિવિધ બેંક ખાતામાં 95 લાખ 575 રૂપિયા છે. તેમણે 81 લાખ 28 હજાર 153 રૂપિયાનું મ્યુચ્યુઅલ ફંડમાં રોકાણ કર્યું છે, સાથે જ 20 લાખ 70 હજાર 146 રૂપિયા પોસ્ટલ અને નેશનલ સેવિંગ સ્કીમમાં રોક્યા છે.

English summary

Know the total income and asset of Rahul Gandhi he has taken loan from mother Sonia Gandhi.