Kolkata Rape Case : આરોપી સંજય રોય ઘટનાસ્થળ પર જોવા મળ્યો, CBI ને મોટા પુરાવા મળ્યા

પશ્ચિમ બંગાળના કોલકત્તાની ચકચારી બળાત્કાર અને હત્યા કેસમાં આરોપી સંજય રોયને લઈને સીબીઆઈને મોટા પુરાવા મળ્યા છે. એજન્સીને આરોપી સંજય રોય ઘટનાસ્થળ પર જોવા મળ્યો હોવાના પુરાવા હાથ લાગ્યા છે.

સામે આવેલા અહેવાલો અનુસાર, આરજી કર મેડિકલ કૉલેજ અને હૉસ્પિટલમાં તાલીમાર્થી ડૉક્ટરના બળાત્કાર-હત્યા કેસનો મુખ્ય આરોપી સંજય રોય ઈયરફોન સાથે ક્રાઇમ સીન પર જોવા મળ્યો છે.

સીબીઆઈને તેના સીસીટીવી ફૂટેજ મળ્યા છે. સંજય રોયના આ ફૂટેજ સેમિનાર રૂમની નજીકના છે. આરોપીના ગળામાં બ્લૂટૂથ ઈયરફોન પણ દેખાય છે.

અહેવાલો અનુસાર, હોસ્પિટલના આ સીસીટીવી ફૂટેજ અને બ્લૂટૂથના આધારે કોલકાતા પોલીસે સંજય રોયની અટકાયત કરી હતી અને તેની પૂછપરછ કરી હતી.

આ પછી સંજય રોયે પોતાનો ગુનો કબૂલી લીધો. હાલમાં સંજય રોય સીબીઆઈની કસ્ટડીમાં છે. આજે CBI તેમનો પોલીગ્રાફ ટેસ્ટ કરાવવાની તૈયારી કરી રહી છે.

આ દરમિયાન CBIએ શુક્રવારે સંજય રોયને સિયાલદહ કોર્ટમાં રજૂ કર્યો. સૂત્રો અનુસાર, જ્યારે મેજિસ્ટ્રેટે તેને પૂછ્યું કે તે પોલીગ્રાફ ટેસ્ટ માટે સંમતિ કેમ આપી રહ્યો છે તો તે રડવા લાગ્યો.

આરોપી સંજયે મેજિસ્ટ્રેટને કહ્યું કે, મેં કોઈ ગુનો કર્યો નથી. મને ફસાવવામાં આવી રહ્યો છે. કદાચ પોલીગ્રાફ ટેસ્ટથી આ સાબિત થશે. આ સિવાય CBIએ શનિવારે આરોપી સંજય રોયને 6 સપ્ટેમ્બર સુધી જેલ કસ્ટડીમાં મોકલી દીધો છે.

એનડીટીવીના અહેવાલો અનુસાર, આરોપી સંજય રોયની માતાએ કહ્યું છે કે તેણે જે કર્યું તે સમજશે. આ ઘટનામાં એક વ્યક્તિ નહીં પરંતુ ઘણા લોકો સામેલ છે. મારા પુત્રએ કંઈ ખોટું કર્યું નથી, તે નિર્દોષ છે. તેના પુત્રએ માત્ર એક જ લગ્ન કર્યા છે, તેણે ચાર લગ્ન કર્યા નથી.

English summary

Kolkata Rape Case: Accused Sanjay Roy found at the scene, CBI finds huge evidence