મે નહીં તો કોન? મુખ્યમંંત્રી અંગે કુમારી શૈલજાએ કર્યો મોટો ખુલાસો
haryana assembly election 2024: હરિયાણામાં આજે 5 ઓક્ટોબરના રોજ 90 વિધાનસભા સીટો માટે મતદાન યોજાઈ છે. આ દરમિયાન કોંગ્રેસના વરિષ્ઠ નેતા અને સાંસદ કુમારી શૈલજાએ હિસારમાં પોતાના મતાધિકારનો ઉપયોગ કર્યો હતો.
મતદાન કર્યા બાદ મીડિયા સાથે વાત કરતા સમયે કુમારી શૈલજા દ્વારા દાવો કરવામાં આવ્યો હતો કે, કોંગ્રેસ તમામ 90 બેઠકો જીતીને રાજ્યમાં સરકાર બનાવવા જઈ રહી છે.
આ ઉપરાંત કોંગ્રેસ સાંસદ કુમારી શૈલજાએ એવો પણ ખુલાસો કર્યો હતો કે, જો હરિયાણામાં કોંગ્રેસ પાર્ટી જીતશે તો મુખ્યમંત્રી પદ કોણ સંભાળશે?
ઉલ્લેખનીય છે કે, ભૂપેન્દ્ર સિંહ હુડ્ડા અને કુમારી શૈલજા વચ્ચે ચાલી રહેલી ખેંચતાણ વચ્ચે શૈલજા વોટિંગના બે દિવસ પહેલા સોનિયા ગાંધીને મળવા પહોંચી હતી. જે બાદ તેમને મુખ્યમંત્રી પદનો ચહેરો હોવાની ચર્ચાએ જોર પકડ્યું છે.
શનિવારના રોજ હરિયાણામાં ચાલી રહેલા મતદાન વચ્ચે કુમારી શૈલજાએ કોંગ્રેસના મુખ્યમંત્રીના ચહેરા અંગે પોતાની પ્રતિક્રિયા આપી છે.
જ્યારે મીડિયાએ તેમને પૂછ્યું કે, દરેક નેતાનો સમય આવે છે, તો તેમનો વારો આવે તો તેમાં કોઈના પેટમાં કેમ તેલ રેડાય છે?
શું તમને પાર્ટી નેતૃત્વના નિર્ણયથી કોઈ સમસ્યા છે? - આ સવાલના જવાબમાં કુમારી શૈલજાએ જણાવ્યું હતું કે, કોઈને કોઈ સમસ્યા નથી.
અમારી કોંગ્રેસ પાર્ટી રાષ્ટ્રીય પાર્ટી છે. પાર્ટી હાઈકમાન્ડ જે પણ નિર્ણય લેશે, તે આપણે સૌએ સ્વીકારવો પડશે. આ આપણી કોંગ્રેસ પાર્ટીની જૂની પરંપરા છે.
આ સાથે હિસારમાં પોતાનો મત આપ્યા બાદ કુમારી શૈલજાએ આત્મવિશ્વાસપૂર્વક જણાવ્યું હતું કે, કોંગ્રેસ પાર્ટી રાજ્યમાં સરકાર બનાવવા માટે તૈયાર છે અને તેના મુદ્દાને પુનરોચ્ચાર કરતા જણાવ્યું હતું કે, જો કોંગ્રેસ જીતશે તો મુખ્યમંત્રી પદનો નિર્ણય સંપૂર્ણ લોકશાહી રીતે થશે. જે પાર્ટી હાઈકમાન્ડ દ્વારા નક્કી કરવામાં આવ્યું છે.
આ સાથે મીડિયાના સવાલનો જવાબ આપતા કોંગ્રેસના વરિષ્ઠ નેતા કુમારી શૈલજાએ જણાવ્યું હતું કે, ભાજપ મારું સ્વાગત કરવા માંગે છે.
કારણ કે, તે હરિયાણામાં ખૂબ જ નબળી છે. તે મજબૂત નેતાઓને પોતાની સાથે લાવવા માટે કંઈ પણ કરી શકે છે, કોઈપણ કિંમત આપી શકે છે.
કુમારી શૈલજાનું આ નિવેદન હરિયાણાના પૂર્વ મુખ્યમંત્રી અને વર્તમાન કેન્દ્રીય મંત્રી મનોહર લાલ ખટ્ટરે ભારતીય જનતા પાર્ટી (BJP)માં જોડાવાનું આમંત્રણ આપ્યા બાદ સામે આવ્યું છે.
#WATCH | #HaryanaElections2024 | Congress MP Kumari Selja says, "...I am on a certain level, people and the high command are seeing this and they'll decide (about the CM's face). Congress is going to win, BJP will face a loss. The 'misrule' that the BJP has done in these 10… pic.twitter.com/qQpYcRz8hd
— ANI (@ANI) October 5, 2024
Click it and Unblock the Notifications
Sign in with Google
