Lok Sabha Election 2024: રાહુલ ગાંધી સામે ચૂંટણી પંચ પાસે પહોંચ્યું BRS, કોંગ્રેસ સામે કાર્યવાહીની માંગ
Lok Sabha Election 2024: ભારત રાષ્ટ્ર સમિતિ કોંગ્રેસ નેતા રાહુલ ગાંધીની ફરિયાદ લઇને ચૂંટણી પંચ પાસે પહોંચ્યું છે. BRS દ્વારા આરોપ લગાવ્યો હતો કે, રાહુલ ગાંધી દ્વારા ચૂંટણી નિયમોનું ઉલ્લઘન કરવામાં આવ્યું છે. BRS એ કોંગ્રેસ પાર્ટીની સામે કડક કાર્યવાહી કરવાની માંગ કરી છે.
ચૂંટણી પંચને સુપરત કરવામાં આવેલી બીઆરએસના પત્ર અનુસાર, તેઓએ જણાવ્યું છે કે, રાહુલ ગાંધીએ તેમની તાજેતરની મુલાકાત દરમિયાન ચૂંટણી નિયમોનું ઉલ્લંઘન કર્યું હતું.
BRSએ જણાવ્યું હતું કે, 6 માર્ચના રોજ થુક્કુગુડાની જાહેર સભામાં, તેમણે કોઈપણ આધાર અને પુરાવા વિના ટેલિફોન ટેપિંગ કેસ પર ટિપ્પણી કરી હતી, જે ખોટું છે.
રાહુલ ગાંધીએ કેસીઆર વિરુદ્ધ અપમાનજનક ટિપ્પણી કરી હતી. બીઆરએસએ તેની ફરિયાદમાં કહ્યું છે કે, કોંગ્રેસ નેતાએ ખાસ કરીને પાર્ટી અધ્યક્ષ કેસીઆર વિરુદ્ધ અપમાનજનક ટિપ્પણી કરી હતી.
6 માર્ચના રોજ થુક્કુગુડામાં એક જાહેર સભામાં રાહુલ ગાંધીએ કથિત રીતે જણાવ્યું હતું કે, તમને ખબર છે કે, તમારા ભૂતપૂર્વ મુખ્ય પ્રધાન (કેસીઆર) કેવી રીતે સરકાર ચલાવતા હતા.
તેમણે હજારો લોકોના ફોન ટેપ કર્યા અને શું ગુપ્તચર એજન્સીઓ, આવકવેરા એજન્સીઓ અને શું આપ્યા. તેમને પોલીસ પાસે પહોંચાડ્યા અને તેમનો દુરુપયોગ કર્યો.
BRS નેતાઓ કરણ પ્રભાકર અને દાસોજુ શ્રવણે પાર્ટી વતી ચૂંટણી પંચને ફરિયાદ કરી છે. BRSએ ચૂંટણી પંચને રાહુલ ગાંધીના નિવેદનોની તાત્કાલિક તપાસ કરવા જણાવ્યું છે.
BRS એ પણ જણાવ્યું છે કે, ફોન ટેપિંગ કેસ પર રાહુલ ગાંધીના નિવેદનનો આધાર શું હતો? આના પુરાવા પણ તેમની પાસેથી માંગવા જોઈએ.
BRSએ ચૂંટણી પંચને ચૂંટણી નિયમોના ઉલ્લંઘન બદલ રાહુલ ગાંધીને લોકસભામાં પ્રચાર કરવા પર પ્રતિબંધ મૂકવાની પણ માંગ કરી છે. પાર્ટીએ આયોગને રાહુલ ગાંધી અને કોંગ્રેસ પાર્ટી વિરુદ્ધ કાર્યવાહી કરવાની પણ અપીલ કરી હતી.
Click it and Unblock the Notifications
Sign in with Google
