Lok Sabha Election 2024 : બિહારમાં ઈન્ડિયા ગઠબંધનની સીટો નક્કી, જાણો કોંગ્રેસને કેટલી સીટો?
લોકસભા ચૂંટણી પહેલા બિહારમાં નીતિશ કુમારે પલ્ટી માર્યા બાદ હવે આરજેડી ઈન્ડિયા ગઠબંધનની મોટી પાર્ટી બની છે. અહેવાલો છે કે ઈન્ડિયા ગઠબંધન વચ્ચે સીટ શેરીંગને લઈને ચર્ચા થઈ છે.
મહાગઠબંધનના પક્ષો વચ્ચે સીટની વહેંચણી અંગે હજુ સુધી સંપૂર્ણ સહમતિ બની નથી પરંતુ અહેવાલો છે કે આરજેડીએ મહાગઠબંધનમાં 30 સીટો પર દાવો કર્યો છે.
સૂત્રો અનુસાર લાલુ પ્રસાદ યાદવની પાર્ટી RJD બિહારની દરેક JDU સીટ પર પોતાના ઉમેદવારો ઉભા કરવા માંગે છે. મળતી માહિતી મુજબ, આરજેડી પોતે અહીં 30 સીટો પર ચૂંટણી લડવાના મૂડમાં છે.
આરજેડી કોંગ્રેસને માત્ર 7 સીટો આપવા માંગે છે. કોંગ્રેસ બિહારમાં લોકસભા ચૂંટણી માટે 15 બેઠકોનો દાવો કરી રહી છે. આ સાથે આરજેડી બિહારમાં ડાબેરી પક્ષો માટે 3 સીટો છોડવા માંગે છે.
બિહારમાં લોકસભાની કુલ 40 બેઠકો છે. બિહારમાં લાલુ પ્રસાદ યાદવની પાર્ટી આરજેડીએ 30 સીટો પર દાવો કર્યો છે. આરજેડી પોતાની ફોર્મ્યુલા હેઠળ કોંગ્રેસને માત્ર 7 સીટો આપવા માંગે છે. ડાબેરી પક્ષોને ત્રણ બેઠકો આપવાની ફોર્મ્યુલા છે.
જો કે કોંગ્રેસ અને આરજેડી વચ્ચે સીટોની વહેંચણી અંગે કોઈ સહમતિ બની શકી નથી. કહેવામાં આવી રહ્યું છે કે કોંગ્રેસે બિહારમાં 15 લોકસભા સીટો પર ચૂંટણી લડવાનો દાવો કર્યો છે.
Click it and Unblock the Notifications
Sign in with Google
