Lok Sabha Election 2024: કુમાર વિશ્વાસ-અરુણ ગોવિલને લોકસભા ચૂંટણીના ઉમેદવાર બનાવશે ભાજપ?

Published: Wednesday, March 20, 2024, 14:35 [IST]

Lok Sabha Election 2024: લોકસભા ચૂંટણી જાહેર થઇ ગઇ છે. આ સાથે હવે ભારતીય જનતા પાર્ટીના ઉમેદવારોની ત્રીજી યાદી જાહેર થઇ શકે છે. ભાજપ દ્વારા ઉમેદવારોના નામ નક્કી કરવા માટે મંથન કરવામાં આવી રહ્યું છે. ભાજપ દ્વારા 195 અને 51 ઉમેદવારોની બે યાદી જાહેર કરવામાં આવી છે, જેમાં 51 બેઠક સામેલ છે. આવામાં હવે ઘણા નામો એવા પણ છે, જેને પાર્ટી આગામી યાદીમાં ટીકિટ આપી શકે છે.

આ સાથે કેટલાક વર્તમાન સાંસદોની ટિકિટ પણ કપાય તે નિશ્ચિત છે. ઉત્તર પ્રદેશની વાત કરવામાં આવે, તો ભારતીય જનતા પાર્ટી ટૂંક સમયમાં જ તેની બાકીની 24 સીટોની જાહેરાત કરવા જઈ રહી છે. કુલ 80 બેઠકોમાંથી, ભાજપ 75 બેઠકો પર ચૂંટણી લડે છે, જ્યારે પાંચ લોકસભા બેઠકો સાથી પક્ષો RLD (2), અપના દળ (2) અને 1 SBSPને ગઈ છે.

બીજી તરફ અંદરથી સમાચાર આવી રહ્યા છે કે, ઉત્તર પ્રદેશની બાકીની સીટો પર ટિકિટ માટે ભારે ધમાલ ચાલી રહી છે. કારણ કે પ્રથમ યાદીમાં ઘણા પ્રખ્યાત નામો બાકાત રહ્યા હતા, જેમાં બ્રિજભૂષણ શરણ સિંહથી લઈને વરુણ ગાંધી, મેનકા ગાંધી સહિતના નામો સામેલ છે.

આવી સ્થિતિમાં, શક્ય છે કે તે તમામની ટિકિટો કેન્સલ થાય. કારણ કે, તે તમામ નામો પ્રથમ યાદીમાં હતા, જ્યાં પાર્ટીએ પોતાના જ વર્તમાન સાંસદો પર વિશ્વાસ વ્યક્ત કરીને ફરીથી ટિકિટ આપી છે.

આવા સમયે, કેટલાક નામો પણ ઝડપથી ચર્ચામાં આવી રહ્યા છે, જેને પાર્ટી તક આપી શકે છે. રામાયણના અભિનેતા અરુણ ગોવિલને મેરઠ સીટ પર ટિકિટ આપવામાં આવી શકે છે. આ સિવાય ગાઝિયાબાદ બેઠક પરથી વર્તમાન સાંસદ જનરલ વીકે સિંહ અને કુમાર વિશ્વાસના નામની પણ ચર્ચા થઈ રહી છે.

આ સાથે એવા અહેવાલો પણ છે કે, ભારતીય જનતા પાર્ટી મેરઠથી કુમાર વિશ્વાસને પણ મેદાનમાં ઉતારી શકે છે. અહીં કૈસરગંજથી બ્રિજ ભૂષણ શરણ સિંહની પત્ની અથવા પુત્ર કરણ ભૂષણ સિંહને ઉમેદવાર બનાવવામાં આવી શકે છે.

પ્રથમ તબક્કાનું મતદાન ક્યારે થશે? - લોકસભા ચૂંટણીના પ્રથમ તબક્કામાં 19 એપ્રિલે 21 રાજ્યો અને કેન્દ્રશાસિત પ્રદેશોની 102 બેઠકો પર મતદાન થશે. 18મી લોકસભાની ચૂંટણી 19 એપ્રિલથી શરૂ થશે અને 26 એપ્રિલ, 7 મે, 13 મે, 20 મે, 25 મે અને 1 જૂનના રોજ સાત અલગ-અલગ તબક્કામાં મતદાન થશે. જ્યારે 4 જૂનના રોજ મતગણતરી થશે.

Published On March 20, 2024