Lok Sabha Election 2024 : મહારાષ્ટ્રમાં INDIA ગઠબંધનનું સીટ શેરિંગ ક્યારે? સામે આવી તારીખ
મહારાષ્ટ્રમાં બીજેપી માટે કપરા ચઢાણ છે. અહીં ઈન્ડિયા ગઠબંધન મજબુત છે. હવે અહેવાલો અનુસાર, ઈન્ડિયા ગઠબંધનની સીટ શેરીંગની જાહેરાતની તારીખ સામે આવી છે.
મહારાષ્ટ્રમાં લોકસભા ચૂંટણી માટે ઈન્ડિયા એલાયન્સની સીટ શેરિંગની જાહેરાત 21 માર્ચે મુંબઈમાં કરવામાં આવશે. કોંગ્રેસના ટોચના સૂત્રોએ આ માહિતી આપી.
મહા વિકાસ અઘાડી પક્ષો પ્રકાશ આંબેડકરની વંચિત બહુજન અઘાડીના દબાણમાં આવશે નહીં, જે અડધો ડઝનથી વધુ બેઠકો માટે સતત દબાણ કરી રહી
છે.તેમને ચાર બેઠકોની ઓફર કરવામાં આવી છે, જો તે સ્વીકારશે તો તેઓ MVAમાં રહેશે અન્યથા પ્રકાશ આંબેડકર વિના બેઠકોની વહેંચણી કરવામાં આવશે.
સૂત્રો અનુસાર, હજુ ત્રણથી ચાર બેઠકો બાકી છે જેના પર હજુ અંતિમ નિર્ણય લેવાયો નથી. લગભગ 20 સીટો શિવસેના, 18 કોંગ્રેસ અને 10 સીટો એનસીપી શરદ પવારને મળી શકે છે. કોંગ્રેસ રાજુ શેટ્ટીની પાર્ટી માટે પોતાના ખાતામાંથી એક કે બે બેઠકો છોડી શકે છે.
કોંગ્રેસના સૂત્રોનું માનીએ તો પ્રકાશ આંબેડકરના વલણ પરથી લાગે છે કે તેઓ મહાગઠબંધનમાં સામેલ થવાના મૂડમાં નથી.
Click it and Unblock the Notifications
Sign in with Google
