તમિલનાડુના 12થી વધુ ગામના લોકોએ કર્યો મતદાનનો બહિષ્કાર, આ કારણે ન આપ્યો મત

Lok Sabha Election 2024: લોકસભા ચૂંટણીના પ્રથમ તબક્કાનું ગઈકાલે 21 રાજ્યો અને કેન્દ્રશાસિત પ્રદેશોની 102 લોકસભા સીટ પર મતદાન થયું હતું. ઘણી જગ્યાએ, 60 ટકા સુધી મતદાન થયું હતું, જ્યારે કેટલાક વિસ્તારો એવા હતા જ્યાં મતદાનની ટકાવારી શૂન્ય (0) હતી. તમિલનાડુમાં કેટલાક વિસ્તારોમાં મતદાનનો બહિષ્કાર કરવામાં આવ્યો છે.

તમિલનાડુના ઓછામાં ઓછા એક ડઝન ગામોના રહેવાસીઓએ શુક્રવારે લોકસભા ચૂંટણીનો બહિષ્કાર કર્યો હતો. આમ કરીને તેણે શાસક દ્રવિડ મુનેત્ર કઝગમ (DMK) સરકાર સામે પોતાનો વિરોધ વ્યક્ત કર્યો.

કાંચીપુરમ જિલ્લાના એકનાપુરમ ગામમાં મોટાભાગના સ્થાનિક લોકો મતદાન કરવા આવ્યા ન હતા. તેઓ 600 દિવસથી વધુ સમયથી પરંદુર ખાતે બીજા એરપોર્ટ બનાવવાના રાજ્યના પ્રસ્તાવ સામે વિરોધ કરી રહ્યા છે. "એકનાપુરમમાં 1,400 મતોમાંથી, માત્ર 21 લોકોએ - જેઓ સરકારી કર્મચારી છે - મતદાન કર્યું. આ ચૂંટણીમાં કોઈ નિવાસી અને કોઈ ખેડૂતે મતદાન કર્યું નથી તેમ વિરોધનું નેતૃત્વ કરી રહેલા આરએલ એલાન્ગોએ જણાવ્યું હતું.

તેમણે કહ્યું, "સરકારે 600થી વધુ દિવસો સુધી અમારી ચિંતાઓને અવગણી છે. ચૂંટણીની તારીખોની જાહેરાત પછી તરત જ, અમે ચૂંટણીનો બહિષ્કાર કરવાનો નિર્ણય કર્યો. 18 લોકો (વરિષ્ઠ નાગરિકો અને વિકલાંગ લોકો) કે જેમણે પોસ્ટલ વોટ પસંદ કર્યા હતા. તેઓએ પણ મત આપવાનો ઇનકાર કર્યો હતો."

ડીએમકે સરકારે ચેન્નાઈના આંતરરાષ્ટ્રીય એરપોર્ટની સાથે પારાંદુર ખાતે બીજું ગ્રીનફિલ્ડ એરપોર્ટ બનાવવાનો પ્રસ્તાવ મૂક્યો છે. આ પ્રોજેક્ટ માટે એકનાપુરમ અને તેની આસપાસના ગામોમાંથી જમીન સંપાદનની જરૂર પડશે. સરકારે અગાઉ જાહેરાત કરી હતી કે તેઓ જમીન સંપાદનથી પ્રભાવિત પરિવારના દરેક સભ્યને આવાસ માટે વૈકલ્પિક જમીન અને સરકારી નોકરી આપવા ઉપરાંત બજાર દરના 3.5 ગણા દરે વળતર આપશે.

English summary

Lok Sabha Election 2024: Tamil Nadu 12 villages boycott election, protest against airport construction, voting percentage.