lok sabha Security breach : પોલીસે છઠ્ઠા આરોપીની ધરપકડ કરી, પુરા પ્લાનનો ખુલાસો થયો
શિયાળુ સત્ર દરમિયાન પ્રેક્ષક ગેલેરીમાંથી સંસદમાં કુદનાવાના કેસમાં પોલીસે મોટી કાર્યવાહી કરી છે. પોલીસે આ કેસના છઠ્ઠા ફરાર આરોપીની ધરપકડ કરી લીધી છે.
સંસદ સુરક્ષા ભંગ કેસમાં પોલીસે આ છઠ્ઠા આરોપી મહેશની ધરપકડ કરી છે. તેને ટૂંક સમયમાં દિલ્હીની પટિયાલા હાઉસ કોર્ટમાં જજ સમક્ષ રજૂ કરવામાં આવશે.
પોલીસને આશંકા છે આ વ્યક્તિ કાવતરું ઘડવામાં સામેલ હતો. ગુરુવારે મોડી રાત્રે લલિત ઝા સાથે મહેશ પણ દિલ્હી આવ્યો હતો અને દૂતવપથ પોલીસ સ્ટેશનમાં આત્મસમર્પણ કર્યું.
મીડિયા રિપોર્ટ્સ અનુસાર, મહેશ 13 ડિસેમ્બરે સંસદમાં હંગામાની ઘટનામાં ભાગ લેવાનો હતો, પરંતુ બાદમાં નક્કી કરવામાં આવ્યું હતું કે જ્યારે આ ઘટનાને અંજામ આપીને બધા ફરાર થઈ ત્યારે મહેશ તેમને સલાહ આપવા અને તેની વ્યવસ્થા કરવામાં સામેલ થશે. આ પછી નક્કી થયું કે મહેશ નાગૌરમાં જ રહેશે.
મહેશને ફરાર આરોપી રહેવાની વ્યવસ્થા કરવાની જવાબદારી સોંપવામાં આવી હતી. આ ઘટનાને અંજામ આપ્યા પછી જ્યારે લલિત ઝા 13 ડિસેમ્બરે રાત્રે 10 વાગ્યે દિલ્હીથી નાગૌર જતી બસ દ્વારા નાગૌર પહોંચ્યો ત્યારે મહેશે હોટલમાં તેમના રહેવાની વ્યવસ્થા કરી હતી.
જણાવી દઈએ કે, આ પહેલા દિલ્હી પોલીસે આ સમગ્ર ઘટના અંગે ઘણા સનસનાટીભર્યા ખુલાસા કર્યા છે. પોલીસે કોર્ટને જણાવ્યું કે, ગુનાના કથિત માસ્ટરમાઇન્ડ લલિત ઝા અને તેના સહયોગીઓ દેશમાં અરાજકતા સર્જવા માગે છે, જેથી સરકારને તેમની માંગણીઓ પૂરી કરવા માટે દબાણ કરી શકે.
પોલીસે આ કેસમાં લલિત ઝા, સાગર શર્મા (26), મનોરંજન ડી (34), અમોલ શિંદે (25) અને નીલમ (42)ની ધરપકડ કરી છે અને તેમની પૂછપરછ કરી રહી છે. લોકસભામાં ઝંપલાવનારાઓમાં સાગર શર્મા અને મનોરંજન ડી અને સંસદ ભવન બહારથી ધરપકડ કરાયેલા બેની ઓળખ હરિયાણાના જીંદ જિલ્લાના ઘાસો ખુર્દ ગામની રહેવાસી નીલમ અને અમોલ શિંદે તરીકે થઈ છે. પાંચમા આરોપી અને માસ્ટર માઇન્ડ કહેવાતા લલિત ઝાની પણ પોલીસે ધરપકડ કરી લીધી છે.
Click it and Unblock the Notifications
Sign in with Google
