મહાદેવ એપ પર કેન્દ્ર સરકારે લગાવ્યો પ્રતિબંધ, સીએમ ભૂપેશ બઘેલે કહ્યુ - આખરે ભાન આવ્યુ...

Mahadev App Banned: છત્તીસગઢ વિધાનસભા ચૂંટણી વચ્ચે મહાદેવ એપના મુદ્દાએ ઘણું જોર પકડી લીધુ છે. આ દરમિયાન, કેન્દ્ર સરકારે મહાદેવ બેટિંગ એપ સહિત 22 ગેરકાયદેસર સટ્ટાબાજીની એપ અને વેબસાઇટ પર પ્રતિબંધ મૂકવાનો આદેશ આપ્યો છે. મહાદેવ એપ પર પ્રતિબંધ બાદ છત્તીસગઢના સીએમ ભૂપેશ બઘેલનું નિવેદન સામે આવ્યું છે.

છત્તીસગઢના સીએમ ભૂપેશ બઘેલે કહ્યું કે આખરે કેન્દ્ર સરકાર હોશમાં આવી અને 'મહાદેવ એપ' પર પ્રતિબંધ લગાવવાનો નિર્ણય કર્યો. હું છેલ્લા ઘણા મહિનાઓથી સવાલ પૂછી રહ્યો છું કે કેન્દ્ર સરકાર આ સટ્ટાબાજીની એપ પર પ્રતિબંધ કેમ નથી લગાવી રહી.

મેં તો એમ પણ કહ્યું હતું કે કદાચ 28 ટકા જીએસટીના લોભને કારણે પ્રતિબંધ નથી લગાવવામાં આવી રહ્યો અથવા તો ભાજપે એપ ઓપરેટરો સાથે લેવડદેવડ કરી છે. આટલું જ નહીં, સીએમ બઘેલે વધુમાં કહ્યું કે તે આશ્ચર્યજનક છે કે ED મહિનાઓથી આ મામલાની તપાસ કરી રહ્યું છે અને તેમ છતાં એપ ચાલુ રહી.

સીએમ બઘેલે વધુમાં કહ્યુ કે હવે જ્યારે કેન્દ્ર સરકાર હોશમાં આવી ગઈ છે, તો સારું છે કે આ એપના સંચાલકોની પણ દુબઈથી ધરપકડ કરવામાં આવે અને બને તેટલી વહેલી તકે ભારત લાવવામાં આવે.

છત્તીસગઢ પોલીસે તેની સામે સૌપ્રથમ લુક આઉટ નોટિસ જાહેર કરી હતી. છત્તીસગઢ પોલીસ પણ તેને રિમાન્ડ પર લઈ પૂછપરછ કરવા માંગે છે, કારણ કે અહીં તેની વિરુદ્ધ સૌથી પહેલા કેસ નોંધવામાં આવ્યો છે. આ પહેલા મહાદેવ એપ સાથે જોડાયેલા સવાલ પર સીએમ બઘેલે કહ્યું હતું કે હું કેન્દ્રને પૂછવા માંગુ છું કે તેઓ મહાદેવ બેટિંગ એપ પર પ્રતિબંધ કેમ નથી લગાવી રહ્યાં?

તમે તેના ડિરેક્ટરની ધરપકડ કેમ નથી કરતા? જ્યારે પૈસા (એપને લગતા) અહીં પહોંચ્યા ત્યારે કસ્ટમ અધિકારીઓ શું કરી રહ્યા હતા? તે જ સમયે, અન્ય એક કાર્યક્રમમાં સીએમએ કહ્યું કે પાંચ વર્ષ પહેલા ડૉ..રમણ સિંહે મને એક ષડયંત્રમાં ફસાવવાનો પ્રયાસ કર્યો હતો, તે દિવસથી જ રાજ્યમાં ભાજપનું પતન શરૂ થઈ ગયું હતું.

હવે કેન્દ્ર સરકાર ED દ્વારા મારી સામે ષડયંત્ર રચી રહી છે, તેમનું પતન પણ શરૂ થઈ ગયું છે. જો તમે કાવતરું કરીને કોઈને બદનામ કરવાનો પ્રયાસ કરો છો, તો તમારું પતન નિશ્ચિત છે. છત્તીસગઢિયા લોકો સીધા જરુર હોય છે, પરંતુ તેઓ ન્યાયપ્રિય પણ હોય છે.

English summary

Mahadev App banned, Finally the central govt came to its senses says Bhupesh Baghel.