Maharashtra Assembly Election 2024: એક જ ચરણમાં યોજાશે મહારાષ્ટ્ર વિધાનસભા ચૂંટણી, જાણો મહત્વની તારીખો
Maharashtra assembly election 2024: મહારાષ્ટ્ર વિધાનસભા ચૂંટણીના તારીખોની જાહેરાત ચૂંટણી પંચ દ્વારા કરી દેવામાં આવી છે. આ સાથે મહારાષ્ટ્રમાં આદર્શ આચાર સંહિતા લાગુ થઈ ગઈ છે. આ સાથે તમામ રાજકીય પક્ષો ચૂંટણીની તૈયારીઓમાં લાગી ગયા છે.
ગત વિધાનસભા ચૂંટણીની જેમ આ વખતે પણ મહારાષ્ટ્રમાં એક જ તબક્કામાં મતદાન યોજાશે. મહારાષ્ટ્ર વિધાનસભા ચૂંટણી 2024 માટે 20 નવેમ્બરના રોજ મતદાન યોજાશે. આ ચૂંટણી માટે 23 નવેમ્બરના રોજ મતગણતરી યોજાશે.
મહારાષ્ટ્રની તમામ 288 બેઠકો માટે એક સાથે ચૂંટણી કરાવવાનો નિર્ણય લેવામાં આવ્યો છે. 2014 અને 2019માં પણ એક જ તબક્કામાં મતદાન થયું હતું.
આ સાથે કેરળના વાયનાડમાં લોકસભા સીટ માટે 13 નવેમ્બરના રોજ પેટાચૂંટણી યોજાશે. આ બેઠક રાહુલ ગાંધીએ રાજીનામુ આપ્યા બાદ ખાલી થઈ હતી.
288 સભ્યોની મહારાષ્ટ્ર વિધાનસભાનો કાર્યકાળ આ વર્ષે નવેમ્બરમાં પૂરો થાય છે. મહારાષ્ટ્રમાં, એકનાથ શિંદેની આગેવાની હેઠળનું મહાયુતિ ગઠબંધન તેના સાથી પક્ષો શિવસેના (એકનાથ શિંદે જૂથ) અને NCP (અજિત પવાર જૂથ) સાથે બીજી ટર્મ માટે સત્તા જાળવી રાખવા માટે મેદાનમાં છે.
આ દરમિયાન મહા વિકાસ અઘાડી (MVA), જેમાં કોંગ્રેસ, શિવસેના (ઉદ્ધવ બાળાસાહેબ ઠાકરે) અને શરદ પવારની આગેવાની હેઠળની NCP (SP)નો સમાવેશ થાય છે, તે રાજ્યમાં સત્તા પર પાછા ફરવા માટે આશાવાદી છે.
ભારતીય ચૂંટણી પંચ (ECI) મહારાષ્ટ્ર માટે શેડ્યૂલ જાહેર કરે તેના કલાકો પહેલાં, મુંબઈ અને દિલ્હીમાં રાજકીય ગતિવિધિઓ પૂરજોશમાં છે. મહારાષ્ટ્રમાં મતદાન નવેમ્બરના મધ્યમાં થવાની ધારણા છે, અને આમ દિવાળીનો તહેવાર પ્રચારના સમયગાળાની મધ્યમાં આવી જશે.
મહારાષ્ટ્ર અને ઝારખંડમાં આગામી ચૂંટણીઓ તાજેતરમાં પૂર્ણ થયેલી હરિયાણા અને જમ્મુ અને કાશ્મીર વિધાનસભાની ચૂંટણીઓ પછી યોજાવાની છે.
હરિયાણામાં ભાજપે સતત ત્રીજી વખત જીતીને ઈતિહાસ રચ્યો છે. જમ્મુ-કાશ્મીરની ચૂંટણીમાં નેશનલ કોન્ફરન્સ-કોંગ્રેસ ગઠબંધનનો વિજય થયો હતો. હરિયાણા અને જમ્મુ-કાશ્મીરના મુખ્યમંત્રીઓ આ સપ્તાહમાં શપથ લેશે.
Click it and Unblock the Notifications
Sign in with Google
