Maharashtra Election 2024 : મહારાષ્ટ્ર વિધાનસભા ચૂંટણી લડવા જઈ રહ્યો છે લોરેન્સ બિશ્નોઈ? જાણો કેમ શરૂ થઈ ચર્ચા
Maharashtra Assembly Election 2024 : મહારાષ્ટ્રના જાણીતા નેતા અને બોલિવૂડના નજીકના ગણાતા બાબા સિદ્દીકીની હત્યા કરનારો લોરેન્સ બિશ્નોઈ મહારાષ્ટ્ર ચૂંટણી લડવા જઈ રહ્યો હોવાના અહેવાલ છે.
સમાચારો અનુસાર, ઉત્તર ભારતીય વિકાસ સેના નામની રાજકીય પાર્ટીએ જેલમાં બંધ લોરેન્સ બિશ્નોઈ માટે ઉમેદવારી નોંધાવવા ફોર્મ ઉઠાવ્યા છે.
ઉત્તર ભારતીય વિકાસ સેનાના નેતા સુનીલ શુક્લા બાંદ્રા પશ્ચિમ વિધાનસભા મતવિસ્તારમાં આગામી ચૂંટણી માટે લોરેન્સ બિશ્નોઈ વતી ઉમેદવારી પત્ર ભરવા માંગે છે.
તેમણે કહ્યું, કે તે ફોર્મ પર લોરેન્સ બિશ્નોઈની સહી મેળવશે અને ચૂંટણી લડવા માટે તેનું સોગંદનામું તૈયાર કરશે. જણાવી દઈએ કે, બાબા સિદ્દીકીએ પોતાની રાજકીય કારકિર્દી બાંદ્રા પશ્ચિમ વિધાનસભા બેઠક પરથી શરૂ કરી હતી. તેઓ આ જ વિસ્તારના ધારાસભ્ય હતા.
12 ઓક્ટોબરે બાંદ્રા ઈસ્ટમાં તેમના પુત્રની ઓફિસની સામે બાબા સિદ્દીકીની ગોળી મારીને હત્યા કરવામાં આવી હતી. આ હત્યાકાંડની જવાબદારી લોરેન્સ બિશ્નોઈ ગેંગના સભ્ય શિબુ લોંકરે લીધી છે.
ઉત્તર ભારતીય વિકાસ સેના પાર્ટીએ દાવો કર્યો છે કે જો લોરેન્સ બિશ્નોઈ મંજૂરી આપશે તો 50 ઉમેદવારોની યાદી ટૂંક સમયમાં જાહેર કરવામાં આવશે.
ગુજરાતની સાબરમતી સેન્ટ્રલ જેલમાં બંધ બિશ્નોઈ અજિત પવારની આગેવાની હેઠળના NCP નેતા બાબા સિદ્દીકીની હત્યા અને બોલિવૂડ અભિનેતા સલમાન ખાનને ધમકી આપ્યા બાદ સતત ચર્ચામાં છે.
Click it and Unblock the Notifications
Sign in with Google
