Maharashtra Exit Poll 2024 : મહારાષ્ટ્રમાં કોની સરકાર? જાણો શું કહે છે MATRIZE એક્ઝિટ પોલ?
Maharashtra Election exit polls 2024 : મહારાષ્ટ્રમાં વિધાનસભા ચૂંટણી પુરી થતાની સાથે જ એક્ઝિટ પોલ સામે આવી રહ્યાં છે.
તમામ લોકોની નજર એના પર છે કે મહારાષ્ટ્રમાં મહાયુતિ વાપસી કરશે કે મહા વિકાસ અઘાડી વાપસી કરશે ત્યારે એક્ઝિટ પોલ્સના આંકડાએ તમામ લોકોને ચૌકાવ્યા છે.
MATRIZE ના એક્ઝિટ પોલના આંકડા અનુસાર, મહારાષ્ટ્રમાં મહાયુતિને 150-170 બેઠકો મળી શકે છે. બીજી તરફ મહા વિકાસ અઘાડીને 110-130 બેઠકો મળી શકે છે. આ સિવાય અન્યના ખાતામાં 8-10 બેઠકો જઈ શકે છે.
ચાણક્ય સ્ટ્રેટેજિસ અનુસાર, મહાયુતિને મહારાષ્ટ્રમાં 152 થી 160 બેઠકો મળવાની ધારણા છે જ્યારે MVA ગઠબંધનને 130 થી 138 બેઠકો મળવાની ધારણા છે. અન્યને 6 થી 8 બેઠકો મળી શકે છે.
જણાવી દઈએ કે, મહારાષ્ટ્ર વિધાનસભાની 288 બેઠકો પર ચૂંટણી યોજાઈ રહી છે. અહીં મુખ્ય મુકાબલો મહાયુતિ સરકાર અને વિપક્ષ મહા વિકાસ આઘાડી વચ્ચે છે. મહાયુતિમાં ભાજપ, શિવસેના શિંદે જૂથ અને NCP અજિત પવાર જૂથ સામેલ છે.
બીજી તરફ મહા વિકાસ અઘાડી ગઠબંધનમાં કોંગ્રેસ, શિવસેના ઉદ્ધવ ઠાકરે જૂથ અને એનસીપી શરદ પવાર સામેલ છે. મહાગઠબંધનમાં સામેલ ભાજપ 149 સીટો પર, શિવસેના 81 સીટો પર અને અજિત પવારની એનસીપી 59 સીટો પર ચૂંટણી લડી રહી છે.
મહા વિકાસ અઘાડીમાં કોંગ્રેસે 101 સીટો, શિવસેના યુબીટી 95 અને એનસીપી-એસપી 86 સીટો પર ચૂંટણી લડી છે. મહારાષ્ટ્રમાં બહુજન સમાજ પાર્ટીએ 237 બેઠકો પર અને AIMIMએ 17 બેઠકો પર ઉમેદવારો ઉભા રાખ્યા છે. અહીં હાલ મહાયુતિની સરકાર છે.
Click it and Unblock the Notifications
Sign in with Google
