મહારાષ્ટ્ર વિધાન પરિષદ ચૂંટણીમાં મહાયુતિની જીત, જાણો કોને કેટલી બેઠકો મળી?
Maharashtra MLC Election Result 2024 : મહારાષ્ટ્ર વિધાન પરિષદ ચૂંટણીમાં મહાયુતિનો વિજય થયો છે. બીજેપી સહિતની ગઠબંધનની પાર્ટીઓએ તમામ સીટો જીતી છે.
મહારાષ્ટ્ર વિધાન પરિષદ ચૂંટણી 2024માં 11 MLC બેઠકો માટે શનિવારે મતદાન થયું હતું, જેના પરિણામો આવી ગયા છે. આ ચૂંટણીમાં મહાયુતિ ગઠબંધનના ઉમેદવારોએ 9 બેઠકો પર ચૂંટણી લડી હતી અને તમામ બેઠકો જીતી છે. વિપક્ષી મહાઅઘાડીમાંથી ઉદ્ધવ જૂથના મિલિંદ નાર્વેકરે જીત મેળવી છે.
મહા અઘાડીમાં સમાવિષ્ટ કોંગ્રેસના 8 મતોનું વિભાજન થયું હોવાની ચર્ચા છે. જેના કારણે આ ચૂંટણીમાં મહા વિકાસ આઘાડીને ફટકો પડ્યો છે. આ ચૂંટણીમાં જયંત પાટીલને હારનો સામનો કરવો પડ્યો છે.
આ ચૂંટણીમાં ભાજપના પંકજા મુંડે, યોગેશ ટીલેકર, અમિત ગોરખે, પરિણી ફુકે, પ્રજ્ઞા સાતવ અને શિંદેની શિવસેનાના રાજેશ વિટેકર, શિવાજીરાવ ગર્જે અને અજિત પવારના જૂથ એનસીપીના ભાવના ગવલી અને ક્રિપાલ તુમાને જીત્યા છે.
જણાવી દઈએ કે, મહારાષ્ટ્ર વિધાન પરિષદની ચૂંટણીમાં ભાજપે પાંચ ઉમેદવારોને મેદાનમાં ઉતાર્યા હતા, જેમાંથી દરેકને 26 વોટ મળ્યા, જે જીત માટે જરૂરી 23 વોટના ક્વોટા કરતા વધુ છે.
જણાવી દઈએ કે, આ ચૂંટણી વિધાન પરિષદની 11 બેઠકો માટે યોજાઈ હતી. કુલ 12 ઉમેદવારોએ ચૂંટણી લડી હતી, પરંતુ માત્ર 11 જ પસંદ કરવાના. જેમાંથી મહાયુતિ ગઠબંધનના નવ ઉમેદવારોએ તેમની બેઠકો જીતી. આ પરિણામ ભાજપ માટે મોટી ઉપલબ્ધિ છે.
Click it and Unblock the Notifications
Sign in with Google
