મહુઆ મોઇત્રાએ એથિક્સ કમિટીની ભલામણને ખોટી ગણાવી સુપ્રીમ કોર્ટમાં પડકારી
તૃણમૂલ કોંગ્રેસ નેતા મહુઆ મોઇત્રાએ લોકસભાની સદસ્યતા નાબૂદ કરવાના વિરોધમાં સુપ્રીમ કોર્ટના દરવાજા ખખડાવ્યા છે.
મહુઆ મોઇત્રાએ એક અરજી દાખલ કરી છે અને તેમની વિરુદ્ધ એથિક્સ કમિટીની ભલામણ અને ત્યારબાદ લોકસભા દ્વારા ઠરાવ પસાર કરવાને ખોટો ગણાવ્યો છે.
કેશ ફોર ક્વેરી કેસમાં મહુઆ સામે પગલાં લેતા તેનું લોકસભાનું સભ્યપદ રદ કરવામાં આવ્યું હતું. તેણે પોતાના પર લાગેલા આરોપોને નકારી કાઢ્યા છે.
લોકસભાની એથિક્સ કમિટીને તપાસમાં જાણવા મળ્યું હતું કે, મહુઆ મોઇત્રાએ બિઝનેસમેન દર્શન હિરાનંદાનીને સંસદીય લોગિન આઈડી-પાસવર્ડ આપ્યો હતો. ટીએમસીના એક નેતા દ્વારા આવું કરીને દેશની રાષ્ટ્રીય સુરક્ષાને ખતરો ઉભો થયો હતો.
એથિક્સ કમિટીએ શોધી કાઢ્યું હતું કે, લોગિન આઈડી-પાસવર્ડ આપવાના બદલામાં મહુઆને હિરાનંદાની દ્વારા રોકડ અને ભેટ પણ મળી હતી. આ બાબતોને ધ્યાનમાં રાખીને એથિક્સ કમિટીએ મહુઆનું સંસદનું સભ્યપદ રદ કર્યું હતું.
Click it and Unblock the Notifications
Sign in with Google
