મલ્લિકાર્જુન ખડગેએ કોંગ્રેસની કમાન સંભાળી, સોનિયા ગાંધીએ અભિનંદન આપ્યા!
લાંબા સમયથી ચાલી રહેલા કોંગ્રેસ અધ્યક્ષપદના વિવાદના મલ્લિકાર્જુન ખડગે પદ સંભાળતા જ અંત આવ્યો છે. ખડગેએ આજે કોંગ્રેસના દિગ્ગજ નેતાનોની હાજરીમાં કોંગ્રસેની કમાન સંભાળી હતી.
નવી દિલ્હી : લાંબા સમયથી ચાલી રહેલા કોંગ્રેસ અધ્યક્ષપદના વિવાદના મલ્લિકાર્જુન ખડગે પદ સંભાળતા જ અંત આવ્યો છે. ખડગેએ આજે કોંગ્રેસના દિગ્ગજ નેતાનોની હાજરીમાં કોંગ્રસેની કમાન સંભાળી હતી. ખડગેને સોનિયા ગાંધીએ અભિનંદન આપ્યા હતા અને પોતે રાહત અનુભવી રહ્યા હોવાનું કહ્યું હતું.
શપથગ્રહણ સમારોહમાં સોનિયા ગાંધીએ કહ્યું કે, પાર્ટીની જીત એ ભારતની જીત છે. હું કોંગ્રેસના નવા ચૂંટાયેલા અધ્યક્ષ મલ્લિકાર્જુન ખડગેજીને હૃદયપૂર્વક અભિનંદન આપું છું. હું તેમનો આભાર વ્યક્ત કરું છું. ખડગેજી એક અનુભવી નેતા છે, તેઓ પાર્ટીના એક સામાન્ય કાર્યકરમાંથી અહીં સુધી પહોંચ્યા છે, તેઓ તેમની મહેનતના કારણે અહીં પહોંચ્યા છે. તેઓ પાર્ટી કાર્યકર્તાઓ માટે પ્રેરણા સ્ત્રોત બનશે. હું હવે રાહત અનુભવું છું.
આ દરમિયાન સોનિયા ગાંધીએ એ વાતનો પણ સ્વીકાર કર્યો કે, કોંગ્રેસ નબળી પડી છે અને તેને મજબુત કરવાની જરૂર છે. સોનિયા ગાંધીએ કહ્યું કે, કોંગ્રેસે ઘણી મુશ્કેલીઓનો સામનો કર્યો છે, આ પહેલા પણ પાર્ટીઓ મુશ્કેલીઓનો સામનો કર્યો છે. પરંતુ કોંગ્રેસે ક્યારેય હાર માની નથી. આપણે લડવુ પડશે અને આગળ વધવુ પડશે. હું તમામ લોકોનો આભાર વ્યક્ત કરૂ છુ, જેને મારો સાથ આપ્યો. સોનિયા ગાંધીએ ચૂંટણી સફળતાપુર્વક કરાવવા માટે મધુસૂદન મિસ્ત્રીનો પણ આભાર વ્યક્ત કર્યો હતો.
સોનિયા ગાંધીએ આગળ કહ્યું કે, આ સન્માન એક મોટી જવાબદારી હતી, મેં મારી ક્ષમતા અને ક્ષમતા મુજબ જેટલું થયુ તે કર્યું. આજે મને આ જવાબદારીમાંથી મુક્તિ મળશે એટલે સ્વાભાવિક રીતે જ હું રાહત અનુભવું છું. મને આટલો સહકાર અને સમર્થન આપવા બદલ હું તમારા બધાનો હૃદયથી આભાર માનું છું. હવે આ જવાબદારી ખડગેજીની છે, પરિવર્તન એ દુનિયાનો નિયમ છે, જીવનના દરેક ક્ષેત્રમાં પરિવર્તન થતું રહ્યું છે અને ભવિષ્યમાં પણ થતું રહેશે. આજે આપણી પાર્ટી સામે ઘણા પડકારો છે.
સૌથી મોટો પડકાર એ છે કે આજે દેશની સામે લોકતાંત્રિક મૂલ્યોનું સંકટ ઊભું થયું છે, આપણે તેનો સફળતાપૂર્વક કેવી રીતે સામનો કરીશું? મને ખાતરી છે કે પાર્ટીના તમામ કાર્યકર્તાઓ અને નેતાઓ સાથે મળીને એક એવી શક્તિ બનશે, જે આપણા દેશ સામે આવતી દરેક સંકટનો સફળતાપૂર્વક સામનો કરી શકે છે. કોંગ્રેસે ભૂતકાળમાં પણ મોટા સંકટનો સામનો કર્યો છે, પરંતુ પાર્ટીએ ક્યારેય હાર માની નથી. આપણે હજુ પણ પૂરા સંકલ્પ અને તાકાત સાથે, સંપૂર્ણ એકતાથી આગળ વધવાનું છે.
સોનિયા ગાંધીએ કહ્યું કે, કોંગ્રેસ માત્ર એક રાજકીય પક્ષ નથી, પરંતુ ઘણા વર્ષોથી દેશ માટે એક આંદોલન છે. અમારો સૌથી મોટો પડકાર લોકશાહીને બચાવવાનો છે. મલ્લિકાર્જુન ખડગેએ દિલ્હીમાં કોંગ્રેસ પાર્ટીના મુખ્યાલયમાં પાર્ટી અધ્યક્ષની કમાન સંભાળી લીધી છે. મધુસૂદન મિસ્ત્રીએ તેમને પ્રમુખ પદ સોંપ્યું. મિસ્ત્રીએ કહ્યું કે મને આશા છે કે અન્ય પક્ષો પણ કોંગ્રેસ અધ્યક્ષ પદ માટેની ચૂંટણીમાંથી શીખશે અને ગુપ્ત મતદાન દ્વારા ચૂંટણી કરાવશે.
Click it and Unblock the Notifications
Sign in with Google
