પતિએ પત્નીને જુગારમાં દાવ પર લગાવી ને હારી ગયો
જાણવા મળેલી માહિતી અનુસાર ગાજિયાબાદા ગામ જમશેદપુરની યુવતી સીમા(નામ બદલ્યું છે)ના લગ્ન ફેબ્રુઆરીમાં ગાજિયાબાદના જ નહેરુનગરમાં રહેતા ચિંકુ સાથે થયા હતા. લગ્નના થોડાક મહિના સુધી બધુ વ્યવસ્થિત ચાલતું હતું પરંતુ ધીરે-ધીરે ચિંકુનો સાચો ચહેરો સામે આવી ગયો. તે પત્ની પર પોતાના બનેવી સાથે સંબંધ બાંઘવા પર દબાણ કરવા લાગ્યો. પતિના મોઢેથી આ વાત સાંભળીને સીમા ચોંકી ગઇ. તેણે વિરોધ કર્યો તો ચિંકુએ તેની સાથે મારપીટ કરી અન સંબંધ નહીં બાંધે તો ઘરેથી કાઢી મુકવાની ધમકી આપી હતી.
10 દિવસ પૂર્વે ચિંકુએ પોતાની તમામ મર્યાદા તોડી નાંખી. મિત્રો સાથે જુગાર રમતી વખતે તેણે સીમાને પણ દાવમાં લગાવી દીધી અને તેને હારી ગયો. જુગારમાં સીમાને જીત્યા બાદ એ વ્યક્તિ જ્યારે તેને લેવા માટે આવ્યો ત્યારે આખો મામલો સામે આવ્યો. સીમાની બુમો સાંભળીને પાડોસીએ એકઠાં થઇ ગયા અને એ વ્યક્તિની ચુંગલમાંથી તેને છોડાવી.
આ અંગે પોલીસે જણાવ્યું છે કે સીમાએ ફરિયાદ નોંધાવી છે. મામલાની તપાસ હાથ ધરવામાં આવી છે અને દોષી પુરવાર થતાં તેના પર કાર્યવાહી કરવામાં આવશે તેમ પોલીસે કહ્યું છે.
Click it and Unblock the Notifications
Sign in with Google
