મંડી લોકસભાની પેટાચૂંટણીમાં કોંગ્રેસે મારી બાજી

શિમલા, 30 જૂન : મંડી લોકસભા બેઠક માટે થયેલી પેટાચૂંટણીમાં મતોની ગણતરીનું કામ પૂર્ણ થઇ ચૂક્યું છે, અને કોંગ્રેસ ઉમેદવાર પ્રતિભા સિંહે પોતાના કટ્ટર પ્રતિદ્વંધી બીજેપીના જયરામ ઠાકુરને 13,6704 મતોના અંતરથી માત આપી છે. આ બેઠક પર 23 જૂનના રોજ મતદાન થયું હતું. પ્રતિભા સિંહને 353469 અને જયરામ ઠાકુરને 216765 મત મળ્યા છે.

આ પહેલા હજી સુધી ગણતરી અનુસાર પ્રતિભાને 2 લાખ 78 હજાર 758, જ્યારે ઠાકુરને 1 લાખ 68 હજાર 322 વોટ મળ્યા છે અને આ પ્રકારે કોંગ્રેસ ઉમ્મેદવાર 1, 10, 436 મતો સાથે આગળ છે. ચૂંટણી પરિણામ બપોર સુધી જાહેર કરવામાં આવે તેવી સંભાવના છે.

અત્રે ઉલ્લેખનીય છે કે વીરભદ્ર સિંહની પસંદગી ગયા વર્ષે ડિસેમ્બરમાં હિમાચલ પ્રદેશ વિધાનસભા માટે કરવામાં આવ્યા બાદ આ બેઠક ખાલી હતી. જેના માટે 23 જૂનના રોજ ચૂંટણી કરવામાં આવી હતી.

English summary

Mandi lok sabha bye-election: congress candidate moving ahead than BJP.