મણિપુરમાં બે મહિલાઓને નિર્વસ્ત્ર ફેરવવા મામલે સુપ્રીમ કોર્ટમાં આજે સુનાવણી
Supreme Court Hearing: મણિપુરમાં 4 મે, 2023ના રોજ ટોળા દ્વારા બે મહિલાઓની નગ્ન પરેડ કરાવવાના મામલામાં સુપ્રીમ કોર્ટ આજે સુનાવણી કરશે. આ ઘટનાનો એક વીડિયો સોશિયલ મીડિયા પર વાયરલ થયો હતો.
બે મહિલાઓ ભીડ દ્વારા કરવામાં આવેલા હુમલાના કેસની સુનાવણી ટ્રાન્સફર કરવાની કેન્દ્રની વિનંતી પર સુપ્રીમ કોર્ટ આજે વિચારણા કરશે.
સર્વોચ્ચ અદાલતે 20 જુલાઈના રોજ આ ભયાનક વીડિયોને "ખૂબ જ પરેશાન કરનાર" અને "બંધારણીય અધિકારોનું ઘોર ઉલ્લંઘન" ગણાવીને તેનુ સંજ્ઞાન લીધુ હતુ. આગામી સુનાવણી 28 જુલાઈના રોજ નક્કી કરતાં કોર્ટે કેન્દ્ર અને રાજ્ય સરકારો પાસેથી ખુલાસો માંગ્યો હતો અને આવી ઘટનાઓનું પુનરાવર્તન ન થાય તેની ખાતરી કરવા જણાવ્યું હતું.
સુપ્રીમ કોર્ટ 28 જુલાઈના રોજ મણિપુરમાં વંશીય હિંસા સંબંધિત અનેક અરજીઓની સુનાવણી કરવાની હતી. પરંતુ ચીફ જસ્ટિસ ધનંજય વાય ચંદ્રચુડની ખરાબ તબિયતને કારણે સુનાવણી મોકૂફ રાખવામાં આવી હતી. જસ્ટિસ જેબી પારડીવાલા અને જસ્ટિસ મનોજ મિશ્રા પણ આ બેન્ચમાં સામેલ છે. તે એક નવી અરજી પર પણ સુનાવણી કરશે જે મણિપુરમાં 4 મેની ઘટના સાથે સીધી રીતે સંબંધિત છે.
જો કે, આ કિસ્સામાં અરજદારોની ઓળખ (તેઓ x અને y તરીકે ઉલ્લેખિત છે) અટકાવવામાં આવી છે. લિસ્ટિંગ રેકોર્ડ દર્શાવે છે કે અરજી ફર્સ્ટ ઇન્ફોર્મેશન રિપોર્ટ (FIR) નંબર (110)(6)(2023)ના સંદર્ભમાં છે.
આ એફઆઈઆરમાં, જે ગામની ઘટના બની હતી તે ગામના ગામના વડાએ હુમલાખોરોની ઓળખ મૈતેઈ જૂથના લોકો તરીકે કરી છે. તેમાં કહેવામાં આવ્યું છે કે ત્રણ કુકી મહિલાઓને જબરદસ્તી ખેંચી જવામાં આવી હતી, નગ્ન પરેડ કરવામાં આવી હતી, હુમલો કરવામાં આવ્યો હતો, તેમાંથી એક પર સામૂહિક બળાત્કાર કરવામાં આવ્યો હતો અને પરિવાર પર હુમલો કર્યા પછી તેના પિતા અને ભાઈને ટોળા દ્વારા મારી નાખવામાં આવ્યા હતા. સાથે જ આરોપીઓને પોલીસ ટીમની કસ્ટડીમાંથી મુક્ત કરવામાં આવ્યા છે.
તમને જણાવી દઈએ કે મણિપુરમાં 3 મે, 2023થી અત્યાર સુધી જાતિ હિંસામાં ઓછામાં ઓછા 150 લોકોએ જીવ ગુમાવ્યા છે. તે જ સમયે, 60 હજારથી વધુ લોકો રાજ્ય છોડી ગયા છે. મેઇતેઈ અને કુકી સમુદાયો વચ્ચે હિંસા થઈ રહી છે.
Click it and Unblock the Notifications
Sign in with Google
