Manipur Violence: મણિપુરમાં ઉગ્રવાદીઓની ઢાલ બની રહી છે મહિલાઓ, સેનાએ વીડિયો જાહેર કરીને કરી આ અપીલ

Manipur Violence Indian Army: મણિપુરમાં છેલ્લા બે મહિનાથી હિંસા ચાલી રહી છે. ભારતીય સેના માટે હાલમાં મહિલા કાર્યકર્તાઓ સૌથી મોટા પડકાર તરીકે ઉભરી આવ્યા છે. ઘણી જગ્યાએ મહિલાઓની ભીડ સુરક્ષા દળોને ઘેરી રહી છે. મહિલાઓ ઉગ્રવાદીઓની ઢાલ બની રહી છે.

આ સ્થિતિમાં, ભારતીય સેનાએ હવે કહ્યું છે કે મણિપુરમાં મહિલા કાર્યકરો મુશ્કેલીગ્રસ્ત રાજ્યમાં તેમના શાંતિ અભિયાનને અવરોધી રહ્યા છે અને શાંતિ પુનઃસ્થાપિત કરવાના તેના પ્રયાસોમાં દખલ કરી રહ્યા છે.

સેનાએ એક વીડિયો જાહેર કરીને આ મહિલાઓને મદદ કરવાની અપીલ કરી છે. સેનાએ કહ્યું કે ઑપરેશન દરમિયાન અમારા જવાનોએ વારંવાર ભીડને પીછેહઠ કરવાની અપીલ કરી પરંતુ તમામ પ્રયાસો નિષ્ફળ જઈ રહ્યા છે.

ભારતીય સેનાએ એક વીડિયો ટ્વીટ કરીને કહ્યું કે, "મણિપુરમાં મહિલા કાર્યકર્તાઓ જાણીજોઈને અમારો રસ્તો રોકી રહી છે અને સુરક્ષા દળોની કામગીરીમાં દખલ કરી રહી છે. જીવન અને માલમિલકતને બચાવવા માટે ગંભીર પરિસ્થિતિઓમાં આવો અયોગ્ય હસ્તક્ષેપ સુરક્ષા દળોની કામગીરી માટે હાનિકારક છે. ભારતીય સેના વસ્તીના તમામ વર્ગોને શાંતિ પુનઃસ્થાપિત કરવાના અમારા પ્રયાસોને સમર્થન આપવા અપીલ કરે છે. મણિપુરને મદદ કરવા અમને મદદ કરો.''

તમને જણાવી દઈએ કે આ અઠવાડિયે જ, મણિપુરના ઈથમ ગામમાં સુરક્ષા દળોના ઑપરેશન દરમિયાન મહિલાઓ અને સ્થાનિક નેતાની આગેવાનીમાં લગભગ 1,500 લોકોના ટોળાએ સૈન્યને ઘેરી લીધું હતું. આ ઉગ્ર ટોળાને કારણે સેનાએ 12 આતંકવાદીઓને છોડવા પડ્યા હતા. આ 12 આતંકવાદીઓ બળવાખોર જૂથ કાંગેલી યાવોલ કન્ના લુપ (KYKL)ના હતા.

સેનાએ એક નિવેદન જાહેર કરીને કહ્યું હતું કે ઈન્ટેલિજન્સ ઈનપુટ્સના આધારે 24 જૂને બપોરે લગભગ 2.30 વાગ્યે અમે ઈમ્ફાલ ઈસ્ટના ઈથમ ગામમાં ઑપરેશન શરૂ કર્યું હતું. આ ઑપરેશન પૂરું થતાંની સાથે જ મહિલાઓ અને સ્થાનિક આગેવાનની આગેવાનીમાં 1200થી 1500 લોકોના ટોળાએ અમારા જવાનોને ઘેરી લીધા હતા અને અમારું ઑપરેશન અટકાવી દીધું હતું. પકડાયેલા 12 આતંકવાદીઓને છોડવા માટે તેઓએ અમારી સમક્ષ એક શરત મૂકી, જેને અમારે સ્વીકારવી પડી. બાદમાં સુરક્ષા દળોએ કોર્ડન હટાવ્યા બાદ વિસ્તાર છોડી દીધો અને વિદ્રોહીઓ પાસેથી હથિયારો જપ્ત કર્યા.

Women activists in #Manipur are deliberately blocking routes and interfering in Operations of Security Forces. Such unwarranted interference is detrimental to the timely response by Security Forces during critical situations to save lives and property.
🔴 Indian Army appeals to… pic.twitter.com/Md9nw6h7Fx

— SpearCorps.IndianArmy (@Spearcorps) June 26, 2023

English summary

Manipur Violence: Help us help Manipur says Indian Army after women-led mob attack