અમાનતુલ્લા ખાનની ધરપકડથી મનીષ સિસોદિયા ભડક્યા, જાણો શું કહ્યું!
દિલ્હીના ઓખલાથી આમ આદમી પાર્ટીના ધારાસભ્ય અમાનતુલ્લા ખાનની વક્ફ બોર્ડ સાથે જોડાયેલા કૌભાંડના સંબંધમાં શુક્રવારે ધરપકડ કરવામાં આવી હતી. અગાઉ તેને પૂછપરછ માટે બોલાવવામાં આવ્યા હતા.
દિલ્હીના ઓખલાથી આમ આદમી પાર્ટીના ધારાસભ્ય અમાનતુલ્લા ખાનની વક્ફ બોર્ડ સાથે જોડાયેલા કૌભાંડના સંબંધમાં શુક્રવારે ધરપકડ કરવામાં આવી હતી. અગાઉ તેને પૂછપરછ માટે બોલાવવામાં આવ્યા હતા. જેબાદ શુક્રવારે એન્ટી કરપ્શન બ્યુરોએ તેના ઘર સહિત 5 જગ્યાએ દરોડા પાડ્યા હતા. અમાનતુલ્લાના બે નજીકના સહયોગીઓના પરિસરમાંથી 24 લાખ રોકડા અને બે પિસ્તોલ મળી આવી હતી. આ પિસ્તોલ પૈકી એક વિદેશી છે, જેનું લાઇસન્સ નથી.
અમાનતુલ્લા ખાનની ધરપકડ
એસીબીએ ધારાસભ્યના ઘર ઉપરાંત જામિયા, ઓખલા અને ગફૂરનગરમાં પાંચ સ્થળોએ દરોડા પાડ્યા હતા. ACBની કાર્યવાહી પર અમાનતુલ્લાએ કહ્યું કે જે લોકો તપાસ કરે છે તેઓ કહે છે કે ઉપરથી દબાણ છે, પરંતુ આ લોકો વકફ બોર્ડના CEOની ફરિયાદ પર આવું કરી રહ્યા છે.
અમાનતુલ્લા ખાનના બિઝનેસ પાર્ટનરની પણ ધરપકડ
દિલ્હી પોલીસે શનિવારે AAP ધારાસભ્ય અમાનતુલ્લા ખાનના બિઝનેસ પાર્ટનર હામિદ અલીની આર્મ્સ એક્ટ હેઠળ ધરપકડ કરી છે. અગાઉ એન્ટી કરપ્શન બ્યુરોએ હામિદ અલીના પરિસરમાં દરોડા પાડ્યા હતા. અહીંથી એક ગેરકાયદેસર પિસ્તોલ, કેટલીક ગોળીઓ અને 12 લાખ રૂપિયાની રોકડ મળી આવી હતી.
AAP ના ધારાસભ્યને ખોટા કેસમાં ફસાવવાનો આરોપ
જો કે, AAPનું કહેવું છે કે ધારાસભ્યને ખોટા કેસમાં ફસાવવામાં આવી રહ્યા છે. આ પહેલા AAP નેતાઓએ ભાજપ પર ધારાસભ્યોને ખરીદવાનો આરોપ લગાવ્યો હતો. તેમણે કહ્યું કે ભાજપ દિલ્હીમાં અરવિંદ કેજરીવાલ સરકારને પછાડવા માટે AAP ધારાસભ્યોને ખરીદવાનો પ્રયાસ કરી રહી છે. આ કારણે દરેકને 20 કરોડ રૂપિયાની ઓફર કરવામાં આવી રહી છે.
ઓપરેશન લોટસ
દિલ્હીના મુખ્યમંત્રીએ ગયા મહિને વિધાનસભામાં વિશ્વાસ પ્રસ્તાવ પણ દાખલ કર્યો હતો, જેથી એ સાબિત કરી શકાય કે AAPના તમામ ધારાસભ્યો તેમની સાથે છે. આ સાથે તેમણે કહ્યું કે દિલ્હીમાં 'ઓપરેશન લોટસ' નિષ્ફળ ગયું હતું.