બહુજન સમાજ પાર્ટીની કમાન માયાવતીએ ભત્રીજા આકાશ આનંદને સોંપી
બહુજન સમાજ પાર્ટીના અધ્યક્ષ અને ઉત્તર પ્રદેશના પૂર્વ મુખ્યમંત્રી માયાવતીએ પોતાની રાજનીતિ ભત્રીજા આકાશ આનંદને સોંપી છે. તેમણે આનંદને અનુગામી તરીકે જાહેર કર્યા છે.
માયાવતીએ પોતાનો પુરો વારસો ભત્રીજા આકાશ આનંદને સોંપી દીધો છે. આ જાહેરાત રવિવારે 10 ડિસેમ્બર 2023ના રોજ લખનૌમાં BSP પાર્ટીની બેઠકમાં કરવામાં આવી.
માયાવતીએ ઉત્તર પ્રદેશ અને ઉત્તરાખંડ સિવાયના તમામ રાજ્યોમાં બહુજન સમાજ પાર્ટીમાં તેમના અનુગામી તરીકે તેમના ભત્રીજા આકાશ આનંદનું નામ આપ્યું છે. માયાવતી ઉત્તર પ્રદેશ અને ઉત્તરાખંડ પર નજર રાખશે. લોકસભા ચૂંટણી-2024ને લઈને માયાવતીનું આ એક મોટું પગલું માનવામાં આવી રહ્યું છે.
બહુજન સમાજ પાર્ટીના નેતા ઉદયવીર સિંહે કહ્યું કે, BSP ચીફ માયાવતીએ આકાશ આનંદને તેમના અનુગામી તરીકે જાહેર કર્યા છે.
તેમણે કહ્યું કે, આકાશ આનંદ જ્યાં પાર્ટી નબળી છે ત્યાં BSPની હાજરી અને ચૂંટણીની તૈયારીઓનો હિસાબ લેશે. બહેનજી ઉત્તર પ્રદેશ અને ઉત્તરાખંડમાં પાર્ટીનું નેતૃત્વ કરવાનું ચાલુ રાખશે અને આનંદજી અન્ય રાજ્યોમાં પાર્ટીનું નેતૃત્વ કરશે.
લોકસભા ચૂંટણી માટે પાર્ટીની તૈયારીઓ પર નજર રાખવા માટે માયાવતી દ્વારા બોલાવવામાં આવેલી બેઠકમાં આકાશને BSPને મજબૂત કરવાની જવાબદારી પણ સોંપવામાં આવી હતી.
આકાશ આનંદને એવા વ્યક્તિ તરીકે જોવામાં આવી રહ્યા છે જે પાર્ટીના નેતા તરીકે BSP અધ્યક્ષનું સ્થાન લેશે, જે ગયા વર્ષથી પાર્ટી બાબતોના પ્રભારી પણ છે.
આકાશ આનંદ માયાવતીના નાના ભાઈ આનંદ કુમારના પુત્ર છે, જેમને BSPમાં બીજા ટોચના નેતા માનવામાં આવે છે. 2019 માં માયાવતીના ભાઈ આનંદ કુમારને પાર્ટીના ઉપાધ્યક્ષ નિયુક્ત કરવામાં આવ્યા હતા અને આકાશ આનંદને રાષ્ટ્રીય સંયોજક બનાવવામાં આવ્યા હતા.
Click it and Unblock the Notifications
Sign in with Google
