MCD election result 2022 : AAP ના ઉમેદવાર બોબીની જીત, બનશે પ્રથમ ટ્રાન્સઝેન્ડર સભ્ય
MCD election result 2022 : હાલ દિલ્હી નગર નિગમની ચૂંટણીની મતગણતરી કરવામાં આવી રહી છે. જેમાં આમ આદમી પાર્ટી આગળ ચાલી રહી છે. આ સાથે સાથે એક બાદ એક આમ આદમી પાર્ટીના ઉમેદવારો જીતી રહ્યા છે.
MCD election result 2022 : હાલ દિલ્હી નગર નિગમની ચૂંટણીની મતગણતરી કરવામાં આવી રહી છે. જેમાં આમ આદમી પાર્ટી આગળ ચાલી રહી છે. આ સાથે સાથે એક બાદ એક આમ આદમી પાર્ટીના ઉમેદવારો જીતી રહ્યા છે. MCDની ચૂંટણીમાં દિલ્હીના સુલ્તાનપુરી-એ વોર્ડથી આમ આદમી પાર્ટીના ઉમેદવાર બોબીની જીત થઇ છે. ઉલ્લેખનીય છે કે, બોબી એક ટ્રાન્સઝેન્ડર છે, જેનાથી MCD માં પહેલીવાર ટ્રાન્સઝેન્ડર સભ્યનો પ્રવેશ થશે.
એક્ઝિટ પોલના આંકડાથી હરામ થઇ ગઇ હતી દિલ્હી ભાજપની ઉંઘ
દિલ્હી નગર નિગમની ચૂંટણી પરિણામના એક્ઝિટ પોલના આંકડા સામે આવી રહી છે. આ આંકડાઓએ દિલ્હી ભાજપની ઉંઘ હરામ થઇ ગઇ છે. આ સાથે આમ આદમી પાર્ટીમાં ખુશીનો માહોલ જોવા મળી રહ્યો છે. આ એક્ઝિટ પોલમાં આમ આદમી પાર્ટીને 149-171 બેઠક મળી શકે છે. આ સાથે ભાજપને માત્ર 69-91 બેઠકો મળી શકે છે. આ સાથે કોંગ્રેસને 3-7 બેઠક મળી શકે છે. આ ઉપરાંત 5-9 સીટો અન્યને મળી શકે છે.
ઉલ્લેખનીય છે કે, દિલ્હી નગર નિગમની ચૂંટણીમાં ભાજપનો દબદબો રહ્યો છે. આ પહેલા થયેલી દિલ્હી નગર નિગમની 11 ચૂંટણીમાંથી ભાજપે (જનસંઘ અને જનતા પાર્ટી) સાત વાર જીત મેળવી છે. જ્યારે કોંગ્રેસ ત્રણ વાર જીતવામાં સફળ રહી છે.
MCDના પરિણામો પહેલા આમ આદમી પાર્ટીની ઓફિસને શણગારવામાં આવી છે. મોડી રાત સુધી આમ આદમી પાર્ટીના કાર્યાલયમાં સાઉન્ડ સિસ્ટમ, ખુરશીઓ અને બલૂન લગાવવામાં આવ્યા હતા. પરિણામ જોવા માટે પાર્ટી ઓફિસમાં જ મોટી સ્ક્રીન પણ લગાવવામાં આવી છે.
તમામ એક્ઝિટ પોલમાં આમ આદમી પાર્ટીને બહુમતી મળતી દેખાઈ રહી છે. ભાજપના દિલ્હી એકમ કાર્યાલયમાં અંધકાર છવાઈ ગયો છે. પક્ષના નેતાઓને આશા છે કે, મત ગણતરી દરમિયાન એક્ઝિટ પોલ ખોટા સાબિત થશે. આપના MCD ચૂંટણી પ્રભારી દુર્ગેશ પાઠકે જણાવ્યુ હતુ કે, અમે એક્ઝિટ પોલની આગાહી કરતા વધુ સારા પરિણામોની અપેક્ષા રાખીએ છીએ.