મેરઠઃ 2 વર્ષની માસૂમ બાળકી સાથે પુજારીએ દુષ્કર્મ આચર્યું, ગ્રામીણોએ ધમાર્યો
મેરઠઃ 2 વર્ષની માસૂમ બાળકી સાથે પુજારીએ દુષ્કર્મ આચર્યું, ગ્રામીણોએ ધમાર્યો
મેરઠઃ ઉત્તર પ્રદેશના મેરઠ જિલ્લામાં એક શર્મનાક ઘટના સામે આી છે. જ્યાં મંદિર પરિસરમાં રમી રહેલ બે વર્ષી માસૂમ બાળકી પર પુજારીએ દુષ્કર્મ આચર્યો. ઘટનાની જાણકારી મળ્યા બાદ ગ્રામીણોએ આરોપીને પકડી લીધો છે અને તેની જબરદસ્ત ધોલાઈ કરી છે. સાથે જ 112 નંબર પર પોલીસને સૂચના આપી. માહિતી મળતા જ પોલીસે પુજારીની ધરપકડ કરી લીધી છે. હાલ પીડિત બાળકીને મેડિકલ ચેકઅપ માટે હોસ્પિટલે ખસેડવામાં આવી છે.
શું છે સમગ્ર મામલો
હિન્દુસ્તાનના અહેવાલ મુજબ ઘટના મેરઠ જિલ્લાના દૌરાલા પલીસ સ્ટેશન ક્ષેત્રના એક ગામની છે. મંગળવારે બપોરે મંદિર પરિસરમાં કેટલાક બાળકો રમી રહ્યાં હતાં. આરોપ છે કે પુજારી બે વર્ષની માસૂમને પોતાના રૂમમાં લઈ ગયો અને તેની સાથે દરિંદગી કરી. હાલાત બગડવા પર આરોપીએ બાળકીને છોડી. બાળકી રડતાં રડતાં બહાર ભાગી ત્યારે ત્યાં હાજર લોકોની તેના પર નજર પડી ગઈ. લોકોએ દોડીને બાળકીને તેડી લીધી અને ત્યાંથી ભાગવાનો પ્રયાસ કરી રહેલ નરાધમ પુજારીને દબોચી લીધો. આ દરમિયાન બાળકીના પરિજનો પણ પહોંચી ગયા. લોકોએ આરોપીની ધોલાઈ કરીને તેને પોલીસના હવાલે કરી દીધો. આરોપી ફેરુ (65) સામે કેસ નોંધવામાં આવ્યો છે.
આરોપી પર પહેલા પણ દુષ્કર્મનો આરોપ લાગી ચૂક્યો છે
ઘટના બાદ પોલીસ સ્ટેશન પર હાજર લોકોએ જણાવ્યું કે આરોપી નશાખોર છે. તેના પર પહેલા પણ ધાર્મિક યાત્રા પર આવેલ મહિલા સાથે દુષ્કર્મ કરવાનો આરોપ લાગી ચૂક્યો છે, ત્યારે તેને ગામમાંથી ભગાડી મૂકવામાં આવ્યો હતો. પરંતુ આરોપી એક વર્ષ પહેલા ફરી ગામમાં આવી ગયો. અહીં ગામના મંદિરમાં કોઈ પુજારી ના હોવાથી ગ્રામીણોએ તેને મંદિરમાં રહેવા દીધો.
ઈન્સ્પેક્ટરે શું કહ્યું
દૌરાલા પોલીસ સ્ટેશનના ઈન્સ્પેક્ટર જનક સિંહ ચૌહાણે જણાવ્યું કે પીડિતાના પરિજનોની ફરિયાદ પર આરોપી પુજારી વિરુદ્ધ સંબંધિત કલમો અંતર્ગત કેસ નોંધી ધરપકડ કરી લેવામાં આવી છે. આરોપીને કોર્ટમાં રજૂ કરવામાં આવશે. બાળકીને મેડિકલ પરીક્ષણ માટે હોસ્પિટલમાં મોકલવામાં આવી છે.
અમદાવાદઃ નિત્યાનંદ આશ્રમની બે મહિલા સંચાલકની ધરપકડ, છોકરીઓને બંધક બનાવ્યાનો આરોપ