મેઘાલય અને નાગાલેન્ડમાં વોટિંગ જારી

શિલાંગ/કોહિમા: આજે મેઘાલય અને નાગાલેન્ડમાં વિધાનસભા ચૂંટણી માટે વોટિંગ જારી છે. બંને રાજ્યોમાં 60 બેઠકો માટે મતદાન કરવામાં આવી રહ્યું છે. મેઘાલયમાં આ વખતે મુખ્યમંત્રી મુકુલ સંગમા અને કોંગ્રેસ પ્રદેશ અધ્યક્ષ ડીડી લપાંગ સહિત 345 ઉમેદવાર ચૂંટણી મેદાને છે.

મેઘાલય વિધાનસભા ચૂંટણી માટે શનિવારે સવારે કડક સુરક્ષાની વચ્ચે મતદાનની પ્રક્રિયા શરૂ થઇ ગઇ. મતદારો સાંજે ચાર વાગ્યા સુધી પોતાના મતાધિકારનો ઉપયોગ કરી શકશે. રાજ્યમાં કુલ 15 લાખ મતદારો છે જેઓ 345 ઉમેદવારોના ભાગ્યનો ફેસલો કરશે. જેમાં 24 મહિલા ઉમેદવાર અને 122 અપક્ષિય ઉમેદવારોનો સમાવેશ થાય છે.

બીજી બાજું નાગાલેન્ડમાં પણ 60 બેઠકો માટે 188 ઉમેદવારો પોતાનું નસીબ અજમાવી રહ્યા છે. આ દરમિયાન 11 લાખ 93 હજાર મતદાતા પોતાના મતાધિકારનો નિર્ણય કરશે.

વિપક્ષી કોંગ્રેસ 57, રાકાંપા 15 અને ભાજપે 11 બેઠકો પર પોતાના ઉમેદવાર ઉતાર્યા છે. જનતા દળ યૂ 3, રાજદ 2 અને યુનાઇટેડ નાગાલેન્ડ ડેમોક્રેટિક પાર્ટી એક બેઠક પર ચૂંટણી લડી રહી છે.

English summary

Meghalaya and Nagaland assembly election going on today.