સાંસદ અસદૂદ્દીન ઓવૈસીનું સરેન્ડર, જેલભેગા કરાયા
હૈદરાબાદના સાંસદ ઓવૈસીએ હૈદરાબાદની પાસે મેડક જિલ્લા મુખ્યાલય, સાંગારેડ્ડી શહેરમાં એક અદાલતમાં સમર્પણ કર્યું. ન્યાયાધીશ દ્વારા તેમને 2 ફેબ્રુઆરી સુધી ન્યાયિક હિરાસતમાં મોકલવામાં આવ્યા છે.
ઓવૈસીની સામે 16 માર્ચ, 2005ના રોજ એક ફરિયાદ નોંધાઇ હતી. તેમની સામે એવી ફરિયાદ દાખલ કરાઇ હતી કે તેમણે સરકારી કર્મચારિયોને એક ધાર્મિક ઇમારત તોડી પાડવા રોક્યા હતા. અધિકારી મુટ્ટંગી ગામના એક રસ્તા પર એક ધાર્મિક ઇમારતને તોડી પાડવા ઇચ્છતા હતા. પરંતુ અસદૂદ્દીન ઓવૈસીએ ભારે વિરોધ પ્રદર્શન કરાવી આ મસ્જીદને તોડવા દીધી ન્હોતી.
અત્રે ઉલ્લેખનીય છે કે આ પહેલા તેમના નાના ભાઇ અકબરુદ્દીન ઓવૈસીની ભડકાઉ ભાષણ કરવા બદલ ધરપકડ કરવામાં આવેલી છે. તેઓ છેલ્લા 14 દિવસથી ન્યાયિક હિરાસતમાં છે. અસદૂદ્દીન ઓવૈસી દ્વારા કરવામાં આવેલી જામિન અરજી પર સુનવણી મંગળવારે કરવામાં આવશે.
Click it and Unblock the Notifications
Sign in with Google
