કેદારનાથ મંદિરનું નવનિર્માણ કરવાની નરેન્દ્ર મોદીની ઓફર ફગાવાઇ

દહેરાદૂન, 27 જૂન : છેલ્લા 10 દિવસથી ઉત્તરાખંડ પૂર હોનારતનો સામનો કરી રહ્યું છે. ત્યારે ભયાનક પૂરને કારણે નાશ પામેલા કેદારનાથ મંદિરનું પુનઃ નિર્માણ કરવાની ગુજરાતના મુખ્યમંત્રી નરેન્દ્ર મોદીએ કરેલી ઓફરને ઉત્તરાખંડના મુખ્ય પ્રધાન વિજય બહુગુણાએ નકારી કાઢી છે. બહુગુણાએ જણાવ્યું છે કે કેદારનાથ મંદિરના પુન:નિર્માણનો તમામ ખર્ચ ઉત્તરાખંડ સરકાર જ ભોગવશે.

બહુગુણાએ જણાવ્યું છે કે અમે પૂરગ્રસ્ત વિસ્તારોમાં માળખાકીય સવલતો પૂરી પાડવા માટે યુદ્ધના ધોરણે કામકાજ આરંભી દીધું છે. કેદારનાથ મંદિરને રાજ્ય સરકાર ફરી બાંધશે અને તે માટે જે કોઈ લોકો જે કોઈ ટેકો આપવા માગતા હોય તે આવકાર્ય છે.

ઉલ્લેખનીય છે કે નરેન્દ્ર મોદીએ ગયા અઠવાડિયે ઉત્તરાખંડની મુલાકાત દરમિયાન ઉત્તરાખંડના મુખ્યમંત્રી બહુગુણા સાથેની બોઠકમાં પૂરમાં નાશ પામેલા કેદારનાથ મંદિર સંકુલનું નવનિર્માણ કરવાની ઓફર કરી હતી. તેમણે ટ્વિટર પર એવું લખ્યું હતું કે કેદારનાથ મંદિર સંકુલનું પુન:નિર્માણ કરવાની જવાબદારી સ્વીકારવા ગુજરાત સરકાર તૈયાર છે.

English summary

Narendra Modi's offer to renovate Kedarnath Temple rejected.