Modi Surname Case: રાહુલ ગાંધીની અરજી પર 21 જુલાઈએ સુનાવણી, સુપ્રીમ કોર્ટે સંભળાવશે ચુકાદો
Modi Surname Case: કોંગ્રેસના ભૂતપૂર્વ અધ્યક્ષ રાહુલ ગાંધીએ મોદી અટક માનહાનિ કેસમાં તેમની સજા પર રોક લગાવવાનો ઈન્કાર કરતા ગુજરાત હાઈકોર્ટના 7 જુલાઈના આદેશ વિરુદ્ધ સુપ્રીમ કોર્ટમાં અરજી કરી છે. વળી, મંગળવારે એટલે કે આજે સુનાવણી દરમિયાન, સુપ્રીમ કોર્ટે 21 જુલાઈએ રાહુલ ગાંધીની અરજી પર સુનાવણી કરવા માટે સંમતિ આપી છે.
વાસ્તવમાં, સુરત કોર્ટે રાહુલ ગાંધીને 'મોદી અટક' ને લઈને માનહાનિ કેસમાં બે વર્ષની જેલની સજા ફટકારી હતી. સજા પર સ્ટે આપવાનો ઇનકાર કરતાં રાહુલ ગાંધીએ સુપ્રીમ કોર્ટનો સંપર્ક કર્યો હતો.
રાહુલ ગાંધીએ પોતાની અપીલમાં કહ્યું હતું કે જો હાઈકોર્ટના નિર્ણય પર સ્ટે નહીં મુકવામાં આવે તો તેનાથી વાણી, સ્વતંત્ર અભિવ્યક્તિ, સ્વતંત્ર વિચાર અને સ્વતંત્ર અભિવ્યક્તિનુ ગળુ દબાવવા સમાન હશે. આનાથી લોકશાહી સંસ્થાઓનું વ્યવસ્થિત, વારંવાર અવમૂલ્યન કરવામાં અને પરિણામે લોકશાહીનું ગળું દબાવવામાં યોગદાન મળશે, જે ભારતના રાજકીય વાતાવરણ અને ભવિષ્ય માટે ગંભીર રીતે હાનિકારક હશે.
રાહુલ ગાંધીએ વધુમાં કહ્યું કે નિવેદન માટે તેમને દોષિત ઠેરવવાની અને દોષસિદ્ધિ પર રોક લગાવવાનો ઇનકાર કરવાની ભૂલ ત્રણ વખત કરવામાં આવી છે અને આ વધુ કારણ છે કે સુપ્રીમ કોર્ટે વહેલી તકે દરમિયાનગીરી કરવી જોઈએ અને નુકસાન અટકાવવું જોઈએ.
તમને જણાવી દઈએ કે 24 માર્ચ 2023ના રોજ કોંગ્રેસના નેતાને સંસદ સભ્ય તરીકે અયોગ્ય ઠેરવવામાં આવ્યા હતા. મોદી અટક કેસમાં ગુનાહિત માનહાનિના આરોપમાં ગુજરાતની અદાલત દ્વારા તેમને દોષિત ઠેરવવામાં આવ્યા હતા અને બે વર્ષની જેલની સજા ફટકારવામાં આવ્યા બાદ આ નિર્ણય લેવામાં આવ્યો હતો.
53 વર્ષીય રાહુલ ગાંધીને ઝાટકો આપતા, હાઈકોર્ટે 7 જુલાઈના રોજ દોષિત ઠરાવવાની તેમની અરજીને ફગાવી દીધી હતી અને કહ્યું હતું કે રાજકારણમાં શુદ્ધતા એ સમયની જરૂરિયાત છે.
Supreme Court agrees to hear on July 21, the plea of Congress leader Rahul Gandhi challenging the Gujarat High Court order which declined to stay his conviction in the criminal defamation case in which he was sentenced to two years in jail by Surat court over 'Modi surname'… pic.twitter.com/nA9rkwGVYf
— ANI (@ANI) July 18, 2023
Click it and Unblock the Notifications
Sign in with Google
