માઉન્ટ આબુ બન્યું ઠંડુગાર, ચાર ડિગ્રી તાપમાન

જયપુર, 13 ડિસેમ્બર: ગુજરાતને અડીને આવેલા રાજસ્થાનમાં તાપમાન ઘટતું જોવા મળ્યું છે આ સાથે ઠંડા પવનો ફૂંકાવવાના એંઘાણ વર્તાઇ રહ્યાં છે. મૌસમ વિભાગના જણાવ્યા અનુસાર રાજસ્થાનના પર્વતીય પર્યટન સ્થળ માઉન્ટ આબુમાં ગુરૂવારે તાપમાન ઘટીને 4.4 ડિગ્રી સેલ્સિયસ નોંધાયું છે. આગામી ચોવીસ કલાકોમાં ભારે ઠંડી પડવાની આગાહી કરવામાં આવી રહી છે.

હવામાન વિભાગના જણાવ્યા અનુસાર આજે સીકરમાં 8.0, શ્રીગંગાનગરમાં 8.5, ચિતોડગઢમાં 9.4, ડબોકમાં 9.6, ચુરૂમાં 9.9, જેસલમેરમાં 12.2, અજમેરમાં 12.5, જોધપુરમાં 12.6, પિલાનીમાં 12.7, કોટામાં 13.2, બાડમેરમાં 13.4 અને બીકાનેરમાં 13.8 ડિગ્રી સેલ્સિયસ તાપમાન નોંધવામાં આવ્યું છે.

રાજસ્થાનમાં લગભગ દિવાળી પછી ધીરે-ધીરે ઠંડીની અસર શરૂ થઇ જાય છે અને આ વખતે ડિસેમ્બરમાં જ ઠંડીએ પોતાનો ચમકારો શરૂ કરી દિધો છે. છેલ્લાં બે ત્રણ દિવસોમાં કેટલીક જગ્યાએ લગભગ પાંચ ડિગ્રીથી વધુ ઘટાડો નોંધાયો હોવાથી ઠંડીમાં વધારો થયો છે. લોકો ઠંડીથી બચવા માટે ગરમ વસ્ત્રોની ખરીદી કરી રહ્યાં છે અને તેમને ઠેર ઠેર તાપણાં સળગાવીને ઠંડીમાં ગરમીનો અહેસાસ કરી રહ્યાં છે.

English summary

Icy winds swept across the state and dipped the early morning and day temperatures.