India vs England: ઈંગ્લેન્ડે જીત્યો ટોસ, ભારત પહેલા કરશે બેટિંગ, જાણો પ્લેઈંગ 11
India vs England: ટી20 વિશ્વ કપ 2026ની બીજી સેમિફાઈનલમાં આજે ભારત અને ઈંગ્લેન્ડની ટીમો મુંબઈના ઐતિહાસિક વાનખેડે સ્ટેડિયમમાં સામસામે છે. ભારતીય ટીમ આ ટૂર્નામેન્ટમાં ડિફેન્ડિંગ ચેમ્પિયન તરીકે રમી રહી છે. સૂર્યકુમાર યાદવની આગેવાનીમાં ભારત જીતવા માટે આતુર છે. ઈંગ્લેન્ડે ટોસ જીતીને પ્રથમ બોલિંગ કરવાનો નિર્ણય લીધો છે.
સંજુ સેમસન અને અભિષેક શર્માની ઓપનિંગ જોડી પાસેથી ટીમ તોફાની શરૂઆતની આશા રાખી રહી છે, જ્યારે જસપ્રીત બુમરાહની આગેવાની હેઠળનું બોલિંગ આક્રમણ ઈંગ્લિશ બેટ્સમેનોની કસોટી કરશે. બીજી તરફ હેરી બ્રુકની કેપ્ટનશીપ હેઠળની ઈંગ્લેન્ડની ટીમ પણ જબરદસ્ત ફોર્મમાં છે.
જોસ બટલર અને ફિલ સોલ્ટ જેવા પાવર-હિટર્સ કોઈપણ બોલિંગ લાઇનઅપને ધ્વસ્ત કરવાની ક્ષમતા ધરાવે છે. વાનખેડેની સપાટ પિચ અને નાની બાઉન્ડ્રીને જોતા અહીં રનોનો વરસાદ થવાની પૂરેપૂરી શક્યતા છે. સાંજના સમયે ઝાકળ (Dew) ની ભૂમિકા મહત્વની રહેશે, તેથી ટોસ જીતનાર ટીમે પહેલા બોલિંગ કરવાનું પસંદ કર્યું છે. બંને ટીમો વચ્ચેનો આ મુકાબલો હાઈ-વોલ્ટેજ જંગ બની રહેશે.
IND vs ENG: બંને ટીમોની પ્લેઈંગ ઈલેવન
ભારતીય ટીમ
અભિષેક શર્મા, સંજુ સેમસન (વિકેટકીપર), ઈશાન કિશન, સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, શિવમ દુબે, અક્ષર પટેલ, જસપ્રીત બુમરાહ, અર્શદીપ સિંહ, વરુણ ચક્રવર્તી.
ઈંગ્લેન્ડની ટીમ
ફિલ સોલ્ટ, જોસ બટલર (વિકેટકીપર), હેરી બ્રુક (કેપ્ટન), જેકબ બેથલ, ટોમ બેન્ટન, સેમ કરન, વિલ જેક્સ, જેમી ઓવરટન, લિયામ ડોસન, જોફ્રા આર્ચર, આદિલ રાશિદ.
Click it and Unblock the Notifications
Sign in with Google
